بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
أعزائي عزيزاتي الزملاء
أنا مافكرت أدرس بهالجامعة ولا طرت على بالي لكن العمر يمر وانا جالس ودخلت ابحث عن الانتساب في قوقل فوجدت جامعة الملك فيصل فاتحة التسجيل وسجلت والحمد لله تم قبولي وارسلوا لي على الجوال ,, فرحت كثييير وحمدت ربي
رحت اليوم الثاني سددت الرسوم وارسلت جميع المتطلبات وارسلتها بالبريد الممتاز , قبل نهاية اخر دوام برمضان بـ 3 أيام
طبعاً ما أعرف الى الان تم الاستلام ولا لم يتم وماعرف كيف أعرف ..
مثل ماقلت لكم سلمكم الله ماعندي اي معلومات ومعرفه عن الجامعة وطريقة الدراسة فيها مثل الحلم صار معي سجلت وانقبلت وانا مش مطلع على اي تفاصيل
الجامعة تعتمد نظام الساعات وبالنسبة لادارة الاعمال عندك 136 ساعة دراسية خلال اربع سنين ولك ان تزيد عدد السنوات حسب تسجيلك للساعات الدراسية في كل فصل.
الدراسة سهلة بعد التدقيق باوراقك راح ترسلك الجامعة الرقم السري الي من خلالها هو والرقم الجامعي تقدر تدخل على نظام اسمه البلاك بورد وهو اشبه بقاعة المحاضرات على النت تجد فيها كل اسبوع محاضرة واحدة لكل مادة طبعا ما في واجبات والمحاضرات كلها مسجلة فيديو تقدر ترجع لها باي وقت يناسبك وينزل معها محتوى على البور بوينت او الورد . في نهاية الفصل فيه محاضرة مباشرة مع الدكتور لتوضيح اهم ما في المنهج وطريقة اسئلة الامتحان ومدتها ساعة وحدة وبعد كذا الاختبارات فكل الاختبارات اختيار متعدد ما عليك الا الاختيار بالقلم الرصاص والتصحيح الي اتمنى اني وضحتلك النظام باختصار
الحين تم قبولي في إدارة الأعمال ..
مبارك القبول اخوي
هل الجامعة تخصص لي مواد معينة أدرسها ولا أنا أختار من مجموعة مواد مطروحة ؟
الفصل الاول الجامعة نزلت لك المواد اجبارية بس بعد كذا انت الي راح تسجل جدولك بنفسك كل ساعة تعادل 165 ريال
من وين أحصل الكتب وكيف التعامل مع المحاضرات وغيرها من خلال النت ؟
الكتب راح تحدد من قبل الدكاتره وهي متوفرة بالمتكتبات الرئيسية لا تشيل هم بس من واقع تجربة المنتدى هنا موفر كل شيء من كتب وملازم وتلاخيص فلا تشيل هم من هذي الناحية
اتمنى وصلتكم الصورة واللي رغبتي اعرفه ..
لان مدري وش المواد اللي بدرسها ووش اسوي وهل فيها شغلات ثانية اسويها ولا كيف لان احس بمتاهة ومثل اللي ضايع بالطوشة ..
انت هنا فلا تحس نفسك الا في بيتك وانا اخوك كلنا معك يد واحدة وقلب واحد
لا تحرموني من توجيهاتكم ونصايحكم بارك الله فيكم جميعاً وبالتوفيق
أخوكم من الشرقية