اجل انا اشوف ان التقنيه افضل .. و هذا النص من متطلبات ارامكو
"وحددت أرامكو شروط التقدم للالتحاق بالبرنامج أن يكون المتقدم من خريجي الكليات التقنية الصناعية في تخصصات التبريد والتكييف، الكهرباء، الميكانيكا، الآلات الدقيقة، التقنية الكيميائية، تشغيل المعامل، الاختبارات غير الائتلافية، المختبرات الكيميائية، اللحام، المساحة، أو من خريجي معهد الجبيل التقني تخصص لحام."
و لازم المعدل يكون 2.5 من 4 أو 3.5 من 5 ،، و في وجهة نظري سهل تجيبها يا غالي ،،
انا اخوي خريج التقنيه اختصاص [ هيدروليك ] .. مابينه و بين الدراسه أي علاقه ابد .. بس حبه لطبيعة تخصصه خلته يجيب معدل فوق الـ4 ..
عالعموم بالنسبه لأرامكو هذا وضعها نفس الـitc .. تسجل و تختبر .. ثم يرسلون لك قبول او اعتذار ..
مميزاته اقوى شوي من الـitc .. مكافئتهم الشهريه 4500+ سكن أو بدل سكن .. ثم توظيف على المرتبه الثامنه تقريباً عالعموم راتبك الأساسي 6000 وعليها .. بس بالضبط مادري بس بين الـ6000 و ال6300
مع البدلات راتبك مرشح انه يتخطى الـ8000
يمكن تستغرب لأني اتكلم عن الرواتب .. و تقول وش دخل الرواتب الحين ،،
بس الواحد من يتخرج من الثانويه .. خلاص ،، لازم يعرف وظيفته ،، وش ممكن يصير و بكل تفاصيلها ..
فانا الآن علوم زراعيه مستجد .. ولا ادري كانها كويسه والا لا .. الكل يقول انها موب كويسه ..
خصوصاً ان رواتبها بعد التخرج .. من جنبهآ ..