0
0
0
مشتاق أنا أسمع منه اليوم لبيـــــــــــه
ودي أعــيـش بـجـــوّهـا لو ثــــوانــــــي
بــس أتـلـهـف كلمتــه يـــوم أنـــاديـــــه
ولـيـا نطق لبيــــــــه طحت بـمكانـــــي
أعـيش في عـيـنـه وأنــا مـيـّتٍ فيــــــــه
في وسط عـيـنـه كـون مـن نـوع ثـانــي
ويــا ويــل قـلبـي لا بـكـى يـوم ألاقـيـه
عـقـب البـطا لا شـفـت زولـه لفـانــــي
يـقـول أنـا مـشـتـــاق والشـوق يعنيـــه
وأقــول أنــــا الـلي فـيـك ربي بــلانــي
وقمنا نسولف عن هوى عاش ماضيـــه
وبعض الكلام إن قيل .. زلزل كيـانــــي
وقــام يتمنـى .. قلــت أحقق أمـانيــــه
وأثـره تمـنـى المـوت كـانـه نسانـــــي
يـا زيــن هـرجـه لا تـكـلـم يـغنـيّــــــــه
حتـى كـلامه صـار مثل الاغــانـــــــي
وإذا إنتهى وقت اللقى قـمـت أهديـــه
وأقول لا تعجـّل .. ترى العمر فانــــي
يقول أنا ما أقدر .. وأعاند وأسلـيـــــــه
من عقبها يضحك .. ويجلس ثـوانـــي
وأزعـلـه ويـفـز .. وأرجــع وأراضيـــــه
ويقول أحبـّـك .. والمصيبة أنـانـــــي
كان اللقى عشرة دقايـق .. وأخليــــه
وصار اللقى ساعة.. وساوت زمانــي
وراح يتمشـى مـاخذٍ قلب مغــــليــــه
بـس يتلفت .. وبعيـــونه معـــانـــــي
فزيت له مجنــون.. ثم صحت أناديــه
ثم قالها لبيـــــه وطحت بمكـاني..
.
.
مما رآق لــي
ولامس وجدآني
عبير وردي لكــم
نــور الله ..