[align=center]
من بغا الفرقا لقى له عذر واسباب ودليل ..
خل عنك العذر والاسباب دام الحب ضاع ..
كان ودك بالفراق ابشر عسى عمرك طويل ..
لا تردد وانت لك كلمه ولك امر مطاع ..
ولك علي لا اوقف وقفة الصاحب الشجاع ..
لا تجاملني مخافة قال مدري خوف قيل ..
عمر هرج الناس مايسمن ولا يغني جياع ..
كان قصدك "سر أحبك" اوعدك لا اصبح بخيل ..
واحمل اسرارك معي للموت قدر المستطاع ..
بس قلها ... "قل ما أحبك" ..
وابشر بصبر جميل ..
لا تحسب اني مثل من طبعهم لوي الذراع ..
صاحبك ماهوب كذا يا صاحب القد النحيل ..
صاحبك "طبعه غريب" وغربته "غربة طباع" ..
بالهوى مايقبل الحل الوسط ولا القليل ..
مثل ماهو شرا يشري ليا من باع .. باع ..
ثابت لو هي تميل الارض حدره مايميل ..
يدري ان الفرقا ماهي عيب والدنيا متاع ..
ماعشق لذة حياته كثر عشق المستحيل ..
ولا كره حتى مماته كثر كره الانصياع ..
كم تعلم من شديد البدو وش معنى الرحيل ..
وكم تعلم من غروب الشمس وش معنى وداع ..
وكم تعلم من سحاب الصيف وش معنى الحصيل ..
وكم تعلم من ليالي البرد وش معنى الضياع ..
ايه انا هذا طريقي صعب وموحش وطويل ..
وانت لامنك تعبت العالم فجوجه وساع ..
< اعتبرني ...>
في بداية سكتك عااااااااابر سبيل ..
ورح وانا قلبي معك من وين ماوجهت الشراع ..
يكفي اني لاذكرت بسالفة عشاق قيل ..
عاااااااشر احبابه ... شجاع
وفاااااارق احبابه ... شجاع
م ن ق و ل
[/align]