بعض الغلا لا صار صـد و تغلـــي
ينعـاف لو راعيــه بالحيل فتـان
الحب ما هو شي عابر يولــــــــي
الحب يبقي صـــامد طول لازمان
لاتحسبن البعد عنك تخــــــلي
وشلون باتخلي وانا وانت خــلان
من لك اذا سافرت عني ومن لي
غيرك إذازادات على القلب الاحـزان
أنت وحيد القلب يا كل كــلي
وانا بدونك ضايع الفكر حيران
أشوف حبك في لظى الوقت ظلـي
وأشوف كل الكون لاخنت خوان
أقول لهمومي كفى واضمحلي
خـلي سجين له من الوهم قضبان
وأقول للعبرات تكفين هـــــلي
عساني اطفي من عنا الوقت نيران
عساني أداعب عيوني واسلي
قلب على وصل المحبين شفقااان