اخوي عالبركة القبوول
السكن قرييب جدا من الكلية يعني اصحى قبل المحاضرة الاولى ب45 دقيقه ربع ساعه البس فيها بعدها روح الميز افطر ورووووق 25 دقيقه بعدها توجه الى الكلاس من الميز الى الكلاس اقل من 5 دقايق.. طبعا الفطور والغدا والعشا مجااني كل لين تنفقع ههههه والأكل محترم مو مشي حالك اممم اخر فطور فطرته في الكلية كان صحن فول وصحن كورن فلكس وجبنة ابو ولد وجبن مربعات ما ادري ايش اسمه هذاك اللي يحطونه على الهومبرجر و حبتين تمر و حمص ومربى ووصحن فيه جبنة البقرات الثلاث و حلاوى طحينيه يم يم..وعصير برتقال وبعد ماخلصت سويت لي واحد كافي<<< بعد ما عبى بطنه كان بيرجع ينام بس قاومت ورحت الكلاس..
وبرضوا السكن فيه جميع وسائل الترفيه صالة فيها تلفزيون وتنس وبلياردو وفرفيرا وفيه صالة حديد وفيه مسبح وفيه صالة مغلقه طايره والظاهر سلة وفيه بعد تكوندو وسلامتكم..الغرف يكون فيها سريرين ودواليب ودورة مياه خاصه بكل غرفه وسلك تلفزيون يعني اذا جبت معك تلفزيون راح يشتغل..
اممم مكاان الكلية في الظهران اسأل عن مجمع الملك فهد الطبي وراح يدلونك عليه اقلها شوف لك اقرب تكسي والكليه على طول خلف المجمع..الوصف تمشي في خط الدمام الخبر السريع لين يجيك مجمع الكباري تاخذ معه يمين وسيييييييييده اول كبر اسحب علييه ثاني كبري بيجيك بعده تقريبا ب800متر لوحه مكتوبه عليها قاعدة الظهران الجوية ومجمع الملك فهد لطبي خذ معاها يمين بعده بيجيك دوار قبل الدوار خذ يمين وسيييييييده لين تجيك بوابة المجمع بوابه فيها حواجز صفرا وفيها عسكر بيخلونك تدخل بس اهم شي السياره ماتكون مضلله بعد ماتعدي البوابه بتجيك اشارة خذ معاها يساار وامش لين تجيك بوابة الكلية اذا دخلت من البوابه امش شوي تقريبا 10 متر بتجيك دخله عاليمين تدخلك عالمواقف وقف السياره وانزل بتلقى مبنى مكتوب عليه كلية الامير سلطان العسكرية للعبوم الصحية بالظهران ادخل مع الباب وبتلقى لوحات مكتوب عليها التسجيل والقبول وفيها اسهم تدلك عالمكان عشان ماتضيع واذا ما عرفت اسأل عن راشد الهاجري او الدكتور خشان وعطهم اوراقك وخلص اجراأتك وعالبركه القبووول...
اسف عالقصور..
تحياتي...