المشاركة الأصلية كتبت بواسطة لحظة وداعك

السلام عليكم ورحمة الله وبركاااااااااته

وعليكم السلام ورحمة الله وبركااااااااااااته


اولا حبيت اتكلم عن تعاونكم في هذا المنتدى الذي احببتوني فيه بطريقه غير مباشره والله وبدون مبالغه من خلال تعاونكم وتشجيعكم لاخوانكم واخواتكم
والحرص ع فائدة الاخرين باكبر قدر ممكن
وجزاكم الله عنا وعنهم كل خيرآآآآآآآآآآ




وإياك يارب

ثانيااااااااا اعلمو لو كان لدي استفسار فلن اتردد عن طلبه منكم (الله يعينكم)

وي ياماما !!
جايتكم بطلبات كخخخخخخخخ

اطلبي يابطة من هنا لبكره وان شاء الله أي احد عنده معلومة ماحيبخل فيها عليك

1~لوسمحتو وضع رابط عن ملازم مستوى اول لكي اطبعها قبل بدء المحاضرات
والله من اول بدورلك لقيت كل الروابط متعطلة

بس حرجع تاني وادور
ولو لقيت أي شي حجي هنا احطه لك


2~وايضا وضع رابط عن ملخصات وكل شي مهم في مستوى اول لان بصراحه الموضيع المثبته فوق لم تفيدنا بشي

انا ما انصحك بالملخصات
لانه الملخصات تعبر عن طريقة الشخص في المذاكرة
وممكن يحذف شغلات ومايكتبها في الملخص وانتي تشوفيها مهمة
فلا تشتتي نفسك بالملخصات
انتي بس عليك بالمحاضرات المسجلة والمحتوى اللي ينزلوه الدكاترة لكل مادة
والكتاب تبع مادة مقدمة التربية الخاصة ( طبعا لو درسكم نفس دكتورنا )
وبس
اكتر من كدا ماتحتاجي


3~تعرفون كلنا مستوى اول مثل الاطرش في الزفه هع
فـــ ليت الكل اللي عنده معلومه عن اشياء احنا ماندري عنها يقول لنا بالتفصيل المملل

لا وي سلامتكم
من حقكم تسألوا وتطمنوا
بس ترى شوفي الوضع يطمن فلا تشيلي هم
والدراسة ممتعة لابعد حد
وحتفتكري كلامي بعد ما حتخلصي اختباراتك
المهم
اهم شي كمعلومة اديك هي .... متطلبات تحتاجيها في جهازك زي:
سرعة النت ماتكون بطيئة
يكون عندك برنامج ادوبي ريدر adobe reader ( لفتح بعض ملفات المواد زي ملزمة الصحة واللياقة)
وبرنامج الفلاش لتشغيل المحاضرات

4~ابيكم تقولون لنا طريقة مذاكرتكم وتسجيلكم للمحاضره والملازم من بدري ممكن لاني سمعت ان الموقع يكون زحمه وخصوصا قبل الاختبارات فانبي نطيح بها العقبات

شوفي انا كتبت موضوع بعد ماطلعت النتيجة بفترة
عن طريقتي اللي مارستها السمستر الاول وفادتني كتير
وهي هي نفسها اللي حمشي عليها هدا السمستر
لانها كانت بعد الله سبب في نجاحي بنتيجة انا راضية عنها تمام الرضا

شوفي الموضوع
http://www.ckfu.org/vb/t83352.html

5~ماهي العقبات اللي مرت عليكم




ما افتكر مرت علي عقبات غير اللي في بداية تسجيلي
وقت الرسوم, وطباعة النموذج ( لانه وقتها جنني) وارسال الوصل .. الخ ( يعني نفس الوقت اللي بتمري فيه دحين)

غير كدا ما افتكر
يعني كلها شغلات بسيطة ..... وتعــــــــدي

وجزاكم الله كل خيرررر