[align=center]
أبيك تحب ..
أبيك تحن ..
أبيك توله ..
أبي عينك تناظرني وتترقب لجياتي ..
أبيك تحس ..
أبيك ترد ..
وأبي البعد مايطول ..
وأبيك تشوف حبي لك ..
ملك قلبي وفي ذاتي ..
أبيك تلومني لا غبت ..
أبيك تثور ..
أبي تزعل ..
وأبي أرضيك بخضوعي ..
معاك بكل غاياتي ..
تعال وقلي أنا غلطان ..
وسامحني ..
ولاتخجل ..
تعال بلهفة العاشق ..
تعال إسمع مناجاتي ..
تعال إسقيني بحبك ..
ترى جسمي بدا يذبل ..
تعال وشوف كثر همي بدا يظهر بنظراتي ..
تعال وقلي أنا أحبك ..
أبي عروقي بها تبتل ..
أبيك تكون لي دربي ..
أبيك أقرب مسافاتي ..
تعال أشكي لك همومي ..
خلااااااص :
أرجوك ..
أنا محتاج لوجودك يجمع باقي شتاتي ..
أبيك النور ..
أبيك الليل ..
أبيك الشمس .. أبيك الظل ..
أبيك إنت لي الدنيا ..
أبيك آخر محطاتي ..
وإذا طولت ماجيتك ..
أبيك تنتظر ..
وأبيك تسأل ؟!!
ومهما غبت عن عينك أبيك تخاف ..
وإذا ماتت أمانينا ..
وخان الوقت وتبدل ..
أبي كفك يلازمني ويمسح لي معاناتي ..
وإذا تحت الثرى جسمي ..
بيبقى حبنا ويظل ..
إنت دنيا أنا فيها ومن دونك نهاياتي ..
[/align]