|
رد: بنات طب جامعة الملك فيصل ساعدوني
^
^
^
فشلتينا...
أرجوان أختنا .. مو أخونا 
الموهيم
شوفي خيتوو حنون <<< أتمنى أنتي بعد تكونين أختنا مو أخونا
أنا تكلمت عن هالسالفة و غيرها كثييييير في مواضيع سابقة
عاد مدري ويييييين و مالي خلق أسوي اقتباسات الساعة 3 و نص <<< ماااااالت :bngo12:
روحي دخلي على اسمي و دوريهم من المشاركات الأولى
أو شوفي مشاركات الأخوان و الأخوان ما قصروا
عموما ...
بالأجمال أنا أختك سارونة سنة خامسة طب
و لا أنا و لا غيري من الأطباء و الطبيبات ما طلعنا من بطون أمهاتنا نعرف كل شي <<< أم الاسلوب
أنا بعد ما كنت ضعيفة بالأنجلش أبدن بالمدرسة
و دخلت الجامعة و أنا مفكرة حالي فلللللللللللتة زماني بالانجلش
بس أنصدمت صدمة حياااااااااتي :bngo12:
لأوووول مررررة بالحياة أحضر محاضرة من البداية للنهاية ما فهمت شي :bngo12:
خصوووصا أن الدكتورات اللي يدرسونكم _ اذا انتي بالدمام _ هنووود مو عرب
فمااااا في مجال تساعدك .. و اللهجة الهندية تطفووو بقووووووة على السطح
عانينا في البداية كثيييييير و يكيييينا كثير <<< عاد هذي صياااحة العايلة
و اللي خافوا من البداية و طلعوا من الطب ندمووووا اللحين
لأن المسألة مسألة وقت بس ..
و مجهووووود جاااااااااااااامد بالبداية بس
أنتي استعدي للبداية هذي و لا تخافين .. و توقعي الأسوء .. عشان اذا لقيتي أحسن تنبسطين
اشتري لك مترجم الكتروني ...
أنصحك بـ _ الأطلس _ مررررة مريح في الاستخدام و واسع
ما أنصحك بالمووورد أبد <<< عاد لا تعلمين علي شركتهم .. يجون بيتنا يكرفسوني و يلاحقوني بالمحاكم
و ما أنصحك بعد تشترين كتاب <<< لأنه مو عملي و مو سريع
و أنتي بالبداية عااااادي تقزرين اليوم كامل تترجمين صفحة بكتاب البايووو
و لا تاخذين كتب ناس من قبلك مترجمة و خالصة
اعتمدي على نفسك و ترجميها بنفسك بهالطريقة ما راح تنسيها ... اتعبي على نفسك بالبداية
اممممم
بتشوفين الموضوع مؤقت ...
و بعدين بتشوفين نفسك تقرين الصفحة كاااااااملة بدون ما ترجعين للمترجم
أنا اللحين و لا أدري المترجم حقي وينه :bngo12:
أنا اذكر آخر مرة حطيته بدرج مكتبي بغرفتي بالسكن بعد ما استعملته فطوم <<< وش تبي ذي تقص قصة حياتها
بيصير كل همك صعوبة المادة ... مو صعوبة اللغة <<< طبعا بدون سؤال الطب صعب بس حلوووووو و الله صدقيني
.................
هذا اللي أقدر أقول لج عليه اللحين
و أي شي تحتاجينه لا تترددين
كلنا هنا خواتك و أخوانك بخدمتكم دااااااااايم 
اختك الحلوة <<< أهم شي الحلوة
سارووونة
|