|
رد: تدرون ليه السعوديات ما يسوقون السيارات
ماشااء الله كلام من جد يبرد القلب ..
عن الحجاب .. عن المساوااة .. أشكرك على الموضوع الممي
لكن عندي تعليق على هذا المقطع
وأتمنى تقرون كلامي للآخر ..
اقتباس:
أنا ملــكة ، و فيه ملـكة تســوق ؟؟
|
اقتباس:
أنـــا أغـلى من العـــين و المـــوق
أنــــا الحمــد لله مكـانتــي فــوق
فــيه من يتــولى أمــري و يخــدمنـــــي بــذوق
ويــوديــني لاقــل و أكبـــر مشـوار مـــايعــوق
|
أنا أمرأه سعوديه .. زوجه وأم ..
والله ما أحس بهالأحساس ..
والله ثم والله اني أتمنى وأحلم أن يكون هالكلام صحيح .. لكن للأسف
رجال زمان ممكن .. رجال زمان كانوا مايخلونها تسوق عشان يخافون عليها ..
رجال هالأيام مايخلونها تسوق عشان حب السيطره ويمكن مايبي يعطيها سيارته ..
ويمكن بحكم العاده ..
رجال هالأيام .. يخلونها مع السواق مع سواق التاكسي .. كيف هالتناقض ؟؟
هل هذا فيه خوف عليها ؟؟ مايبيها تسوق ومو فاضي لها .. فيخليها مع الأجنبي الغريب
يوديها وين مابده .. يسمع صوتها .. يتكلم معاها .. لحالهم ..
طوول الوقت ..
هل هذا يخاف عليها ؟؟ على سمعتها ؟؟ على كرامتها ؟؟
بالله عليكم رجال زمان كانوا يسوونها ؟ أذكر كان أبوي يتردد قبل مايخلينا مع سواق الباص ..
ورجال هالأيام اللي مايخلون حريمهم مع سواق كيف يسوون ؟
تتوسل لهم الوحده .. تتوسل كل يوم والثاني يطلعها مشوار .. يوديها تشتري أغرااض
يوديها عند صديقتها .. تترجاه وتحاول تتلطف معاه وتسوي له اللي بده .. عشان يوديها لبيت اهلها
اذا كان مو رايق .. وطلبته مشوار .. تسمع هوشته من عند الجيران ..
أذا وداها .. يقعد يمن عليها وماينساها .. انا وديتك .. وانا سويت لك ..
يعني لاملكااات ولا شي .. لاتكذبون الكذبه وتصدقونها ..
ما أقول لكم ان بدي اسووق .. لكن أبي رجال زمان يرجعون ..
هذولا بح خلصوا .. مافيه الا صناعه تقليد ..
معلييش طولت السالفه .. لكن حبيت أفضفض كثير من الكلام اللي بقلبي ..
فتحوا عيونكم زين وشيلوا النظاره الورديه اللي لابسينها ..
وشوفوا الحريم اللي حولكم .. وأحكموا بنفوسكم
|