انا ابفهم شي واحد ليش احنا بالذاات مو قادرين نتطور بكل شئ
يعني كل ماقلنا الحمدلله تطورنا رجعنا العن من قبل
ويوم حولو الكليه لجامعه الكل فرح وتشجع يكمل دراسته
قلنا اكيد نظامهم حلو وتخصصاتهم حلو ومطلوبه
كنا نسمع بالجامعات الثانيه ونقول ياليت بالحفر جامعه
لــــكــــــــــــــــن
الحين اقـول ياليتكم ماقلبتوها جامعه تعذبنا اكثر
لاتخصصات حلوه وتشجع
ولا تعامـل من الإداريات مضبوط عااد لقوها من الله
كل ماقلنا شي قالو مالنا دخل كل شئ من الجامعه وبالنت
تعبنامن كثر مايكسحونا نكلم الوحده كأنك تكلم الجدرا اللي بجنبهاا
حفظنا صفحااات النت حفظت كل شئ حفظت المواضيع والردود اللي
بمنتدى الكليه من كثر ماني مبققه عيوني بالموقع
ابي خبر جديد ابي واحد يتبرع من المسؤلين
ويجاوب على كل استفساراتنا مو كل وحده من عندها تجيب لنا خبر
تعبنا من الاخبار اللي مدري وشلون
باليوم يطلع ستين ابو طعش خبر
خــــــلاص كفايه وربي تعبنا اذا انتو ماتعرفون شي بأنظمه الجامعات السنعه
فكونا وريحونا وريحو روسكم وخلونا على النظام القديم
على الأقل الكليه قريبه اي استفسار نقولهم ويعطونا الخبر الاكيد
ماترحمون ولا تخلون رحمة الله تنزل
تراني من العطله وانا متحمله وساكته وجا اليوم اللي انفجرت فيه
من دخلت الكليه وانا محتاااسه
النااس مرتاحه طول العطله وحنا مقابلين النت نشوف التخصصات
الجامعات اللي غيرنا اختبرو وطلعو النتايج بسرعه واختارو التخصص
وطلعت النتايج بأسرع وقت
على الاقل الوحده تعرف وين بتدخل اي تخصص
مو حنا خذوه فغلوه كل شي عندكم خبط لزق
والحين ماباقي على تسجيل المواد الا اقل من 24 ساعه وانتو مو راضين تعلمونا بالتخصصات
متى ياحلوين تعطونا نطر منكم وانا ماادري لو بنكلم جدار رد عليناا
وينكم طول هالفتره ماتتحركون
اقسسم بالله ماعمري شفت نااس ترفع الضغط مثل هالجامعه
وكلن يتشمت فينا يقولون من صجكم داخلين مثل هالجامعه ومتحمسين
وتعبت وانا ارقع فيكم كل يوم اقول بكرا ان شاء الله
من العطله وانا اقوول بينزلونهاا قبل رمضاان بعدين قلت بالعيد ان شاء الله وجا العيد ورااح وماصار شي وبكرا تسجيل المواد ومافيه شي
وش نسجل نسجل مع بنات التحضيري ولا كل وحده تختار لها تخصص
اتمنى ان فيه شخص يحس بمعاناتناا ويرحمنا
والله النوم مانقدر ننامه اخاف يطوفني شي
والحين صار لي يومين مانمت الا 4 ســـاعات بــس
اخاف يطلع التخصص ولا ينزل قرار جديد مدري عنه
ماقول الا حسبي الله ونعم الوكيل بكل شخص ماأدى واجبه على اكمل وجه
آآخـــــيـــــــراً
اعذروني على الأطاله بس والله من حر مافيني قلت كذاا