ملتقى طلاب وطالبات جامعة الملك فيصل,جامعة الدمام - عرض مشاركة واحدة - أيّ استفسار خاص بكلية الجبيل الجامعية .. هنا

الريـــم · 2010- 9- 21

اقتباس:

المشاركة الأصلية كتبت بواسطة لبي قلبكـ

السلام عليكم ورحمة الله وبركاته هاي انا سجلت خصوووصا عشان اسال البنات الي يدرسون بالكليه الجامعيه بالجبيل
: 1- وش سالفت البانر زي كليه التربيه يعني الجدول الدراسي حنا نرتبه ولا نا خذه مرتب؟؟
2-وشي المواد الي بندرسها؟؟ اول سنه؟
3- التعامل بيكون بالانجليزي كل شي حتى السوالف وكل شي ولا شلووووووون؟؟
4- المكافئه 990 ولا 900 لان في ناس يقولون كذا وناس يقولون نقعد 3 شهور ع ماناخذها؟؟
5- بنات بخصوص اللبس الدارج؟ تنوره وش موديلها وكم البلوزه الى ويييييين؟ بالضبط!!
6- الشنطه المطلوبه للكتب شنطه الي العاديه ؟؟ ولا شنطه مثل الي نداوم بها بالثانوي؟؟ولا وش موديل الشنطه الدارج بالجامعه؟؟
7- الشوز ولا نعول لازم نلبس ولا عادي؟؟؟
8- المكياج وش يكون نظامه والى وين حدووووده؟؟
أعذرووووووووووووووووووووني طولت عليكم الاسئله وتعبتكم بس ارجوكم تجاوبون لاني حدي خايفه قربت البدايه وانا مييييييييييييته خوووووووف
,,, صح,,,, نسيت أسألكم
الدراسه شلون انا مييييييييييييييييييييح الانجلش يعني امشي ولا اغرز اعرف بنات رسبو بسبت اللغه طمنوني الله يطمنكم

وعليكم السلام ورحمة الله وبركاته
حياك (لبى قلبك )

- بالنسبه للجدول الدراسي احنا ناخذه مرتب من الجامعه بالنسبة للسنة التحضيريه ماتقدرين تعدلين فيه , اما التخصص يقدرون يعدلون فيه ويضيفون مواد ويحذفونها .

- المواد اللي بندرسها اول سنه بالنسبه للعلمي : ( 4 مواد انقلش "ريدنق +ليسننق + قرامر + رايتنق " وماث, و أي تي اللي هو حاسب عملي ونظري , وتربيه صحيه "هيلث اديكيشن " , وفيزكس وكمستري , ومهارات الطالب الجامعيه " ستدي سكلس" )
طبعاَ تاخذينها على تسمسترين: السمستر الاول يكون انقلش 1, وماث 1, واي تي 1 , ومهارات الطالب الجامعيه , وتربيه صحيه ..

والسمستر الثاني : انقلش 2 , ماث 2 , اي تي 2 , فيزكس وكمستري ..

واما الادبي نفس العلمي بس اللهم احذفي الماث والفيزكس والكمستري .. وحطي بدالها مهارات الاتصال وماده ثانيه والله ناسيتها

*

- وبالنسبة للتعامل داخل الكلاس بيكون كله بالانجليزي , بس على حسب المس , وبالنسبه للطاقم الاداري التعامل عربي عادي

لان الطاقم الاداري سعودي ,

- والمكافأه 990 ريال , ولا ماتتأخر ولا شي تنزل كل يوم 25 عربي من كل شهر , لي سنه كامله ادرس في الكليه وماعمرها تأخرت علي ولله الحمد

- التنوره عاااااااادي اي شكل واي لون البسي اللي يريحك , حتى الميدي مسموح بس مايكون قصير مره يعني حدّك الى فوق الكعب باصباع او اصباعين ( واذا قصدك ع الدارج يعني الموضه فـالموضه اللي طالعين فيها هي التنوره السكيني

تلقينها بزارا ) ..

والبلايز عادي اي شي واي لون النص كم والجبنيز مسموحه

- الشنط خذيلك شنطه كبييره تكفي كتبك وموديل الشنطه على كيفك بس اهم شي حجمها يكون كبييييير ,

- والشوز ( وانتي بكرامه ) عادي مسموح كل شي البسي اللي يريحك ..

- الميك اب مسموح اكيد , بس حطي في بالك انه دوام صباحي وكرف يعني الافضل انك تحطين شي خفيييييييييف وناعم يناسب الصبح وجو الدراسه

ممممم وصحيح كثييييييييير رسبوا بسبة اللغه وانا من ضمن اللي رسبوا بسبب اني دخلت الجامعه وانا لغتي ميح

انصحك انك تاجلين ترم وتدخلين دوره انجليزي , لانه كل شي في الجامعه يعتمد على الانجليزي

واذا ماقدرتي فالله يعينك يبيلك تشدييين حييلك

حطي في بالك ان الجامعه ماتمزح ويبيلها مذاااكره اول باول مايبيلها لعب يعني لازم تكونين متفرغه حق الدراسه وبسس

يارب اكون افدتك