السلام عليكم ورحمة الله وبركاته..


طبعاً بعد ما تفاجأت:bgs18: ودريت إن اليوم هو آخر يوم للمستجدين لسداد

وارسال الأوراق طاح قلبي في بطني وقلت راحة عليك يابنت:s13:!!

دقيت على البريد وسألتهم متى ينتهي دوامهم قالي الموظف وقت صلاة

العشاء قلته يعني الساعة 7 قالي يعني 7 أو 8( من فلاحته مايدري

متى ينتهي دوامه ) المهم قتله أبغى أرسل أوراقي فاتحين بكرة

( الأربعاء ) قالي المركز الرئيسي في الدمام فاتح بس ( خبركم بكرة

بيعطونهم اجازة اليوم الوطني ) سألته إذابرسل اوراقي بكرة متى راح

يوصل للجامعة قالي يوم السبت ( أدري بتقولون فيه تناقض تسجيل المواد

ينتهي الجمعة وإذا الأوراق بتوصل السبت متى بيرسلون الرقم السري عشان

نسجل ؟؟) قمت ودقيت على اخوي وطلعته من الدواااام ورحنا بعد

المغرب نسدد طبعاً البنوك انتهت دواماتها بس كان فيه فرع لبنك الرياض

في مجمع الظهران فاتح ليـــــن يقفل المجمع أتوقع وسددنا لكن ماختملي على

نموذج السداد ولا الوصل قال خلاص نزل تعميم بعدم الختم والجامعة

صاجتنا ولاجتنا اطبعوا النماذج وخلوا البنك يختم ( والله النماذج مالها

داعي )وبعدها رحنا للبريد الممتاز اللي بحي الدوحة مقابل مدارس الظهران

قلنا نكسب وقت لأنها قريبة كانت الساعة 6:45 ودخل أخوي يرسل

الأوراق إلا الموظف يقوله قفلنا تخيلوا قبل نهاية الدوام بربع ساعة قاله أخوي

انتوا 7 تقفلون قاله إيه بس لازم أدخل البيانات داخل الكمبيوتر وأنا قفلت

الجهاز خلاص ( حسبي الله ونعم الوكيل، الدنيا سايبة عندهم ) روح فرع

الدمام اللي بجنب كلية البنات يقفلون الساعة 8:30ورحنا طبعاً البريد

لكن من فلاحتي ما صورت بطاقة العائلة قال الموظف صور وتعال احنا

فاتحين وقت الصلاة رحنا نصور بسرعة وشورعنا فاضية وواسعة ما شاء الله

عليها ونرجع ويقولون قفلنا تعال بعد الصلاة ( حسبي الله ونعم الوكيل )

رجعني أخوي البيت وبعد الصلاة رجعلهم وأعطاهم الأوراق ودق علي وقالي

خلاص أرسلت اوراقك في آخر لحظة وبعدها قفلوا،

الحمد لله انتهت على خير.


لكن انا بصراحة مو مقتنعة بالمدة القصيرة من بعد ماطلعت النتيجة كان

عندنا بس يومين للسداد وارسال الأوراق وداوموا بعد العيد وما كان عندنا

تقريباً إلا خمس أيام وهذي ما تكفي المفروض تكون اسبوعين بالكثير على

الأقل والأدهى منها مدة تسجيل المواد اسبوع ويقفل النظام وانا أوراقي

أرسلتها اليوم متى راح توصل ويشوفونها ويفعلونها ويرسلولي الرقم

السري ( بقعد أردد ياليل ما طولك ) غيري راسلها من قبل العيد وبدايه

هذا الإسبوع وباقي ما وصلهم الرقم السري!

بذمتكم أين تكمن المشكلة بالضبط؟؟



هذا اول الخير

الله يعين الجميع