|
رد: الرسوم الدراسيه نعفى منها
اضم صوتي لصوتك وبعد صوت اهلي والجيران وكل الحي اللي انا ساكنة فيه
مع ان المبلغ بالنسبة لي مو مأثر معاي حالياً الحمدلله
بس ما اضمن الظروف هذي اربع سنوات مو شهر والا شهرين ماندري وش الله يكتب فيها
المفروض يكون فيه تقدير للآخرين
كثير ناس قدرتهم المادية محدودة و رواتبهم يالله تكفي اكل وشرب وايجارات وفواتير
والغلا كل يوم يزيد والوضع من سيء لأسوء والبعض يشيل هم كيف يمرر الشهر للآخر باللي عنده ومرات يضطر يتسلف
في الوقت اللي يبتعث للخارج بعض الشباب المستهتر آخر همه الدراسة وقاعد ياخذ فرصة دراسة و راتب غيره احق فيها وهو يقضي اغلب وقته باللعب وقلة الحيا ويرجع بعد مدة يد ورا ويد قدام واذا عنده واسطة تجاوزوا عنه وخلوه يتسلى على كيفه ... الله ياكثر فضااااايحهم وبلاويهم كل يوم سوالف اشكال والوان
ليتهم يشددون على موضوع الابتعاث هذا ومايرسلون الا اللي يستحق فعلا من ناحية السن قبل كل شي مو يرسلون بزارين يفشلونا ببلاويهم برا ....
واللي ينصرف على اللعابين يوفرونه و يعفون المنتسبين من المصاريف اللي تقص الظهر خصوصا لو بالبيت اكثر من طالب والله حرام ولي أمرهم يجيب من وين كل ترم 2475 ؟؟؟؟؟؟
التعليم حق لكل مواطن مجانااااا
حتى لو انه تارك الدراسة خمسين سنة المفروض اذا قرر يرجع يكمل يعطونه فرصة يحسن وضعه ويراعون ظروفه ويساعدونه ينتظم بعد مو يجبرونه على الانتساب
يخلونه يدرس ترم او سنة واذا جاب معدل حلو المفروض ينقل انتظام اذا يبي بدون مايتشرطون ان شهادته الثانوية مامر عليها الا اربع او خمس سنوات
قسم بالله قهر هم والزمن والظروف على الانسان 
خلاص ظروفك منعتك تدرس يعني تموت
مالك حق ترفع مستواك وتعدل وضعك
المفروض تبقى طول عمرك تدفع ثمن ظروف ماكان لك يد فيها وتقعد محلك سر
الله يستر بعد اربع سنوات تحبك معاهم يحطون على الشهادة بدال كلمة انتساب يحطون تعليم عن بعد يازعم الحين كشخة لاصار مكتوب تعليم عن بعد
عز الله رحنا فيها واللي صرفناه يروح على الفاضي
ارحموا من في الأرض يرحمكم من في السمااااااااااء .gif "(154)")
|