ملتقى طلاب وطالبات جامعة الملك فيصل,جامعة الدمام - عرض مشاركة واحدة - °¨o.O.(..كـــآآفيـــهــ بنــوتـات الدرآآســـآآتـــ الإســلآآميـــهــ ●•..) O.o° ‏

فرآوله · 2010- 9- 23

اقتباس:

المشاركة الأصلية كتبت بواسطة عز ودلال

حياك الله وأحنا اخوات وهذا واجبنا ..
اصول الفقه ماده سهله لاتشيلين هم ..
هي صحيح انها طويله ودسمه بس والله إنها سهله وممتعه ..
وتتكلم عن الفقه من وين نستمده وعن اصوله وعن الأحكام وبعض كتب كبار الفقهاء ..
كل إللي فيها نعرفه من زمان يعني مافيها شئ جديد ..!!
ولاتسمعين كلام البنات ترى بيكرهونك فيها ..

ومناهج المحدثين تتكلم عن أئمة الحديث وحياتهم وطلابهم وشيوخهم وطريقة تاليفهم ومنهجهم في الحديث ..

وهي صحيح طويله ويبي لها تركيز بس صدقيني إذا مسكتيها تخلصينها بيومين ..
وتراها سهله مافيها شئ معقد يعني لايغرك الأسم ولا يغرونك كثرة الراسبين فيها ..!!

وعلى الملخصات ..
عندي كل الملازم مابعد رميتها وعندي ملخص للنحو والصرف سويته السنه إللي راحت لما كنت بثالث وعرضته على الدكتور محمد عوض واعجبه وعممه على بنات الانتظام والأنتساب وقال هالبنت ناجحه عندي ..!!

وإذا تبينها إن شاء الله أعطيها لك بالكليه إذا تقابلنا إن شاء الله ..

<< بقط مع امون

الله يعطيييج الف عاافيه ويوفقج ويسهل عليج وتنجحين بكل المواد يارب

انا بعد اذا ماعليج امر ابي اصور

الله يوفقج دينا واخره يارب مثل مانتي قاعده تساعدين البنات