المشاركة الأصلية كتبت بواسطة عسولة الشرقية

نو سيتي ماكس مو موجود بالظهران


عاده سيتي ماكس يكون بلحاله



وتقدرين تلقينه بالشراع مول


عنده يمكن تنوره وحده سودا ب خمسين ريال فقط هذا اذا لقيتي مقاسك لان الناس طق عصي عليها


عنده بلايز وقمصان اذا تبين


الموديل اللحين الي طايحين فيه القميص وبالنص عليه حزام بس مدري ما شفت احزمه هناك


الا عنده وانا ما شاء الله علي ماشوف


عموما سيتي ماكس يعتبر من ارخص الاسعار خاصه للكولج والكرف



يعني حسافه تشترين شي واحد بالمبلغ الفلاني وبالامكان تشترين بنفس المبلغ ثلاث اشياء


خصوصا الكولج الواحد يحب يغير ويشكل بالثياب


بعد سيتي ماكس بالسعر يجي سنتر بوينت


اشيائه مرتبه اكثر من سيتي ماكس طبعا اغلا اشويات بعد



وبعدها عاد تجي المحلات الثانيه من زارا ونيولوك ونيويورك ومانجو ... الخ



اذا تبين نصيحتي خوذي معك احد من اهلك


وخلي اخوك يقطكم ويرجعلك بعد فتره بحيث انه ما يكون معكم يزن فوق روسكم (يا كرهي لهحركه )