وش شفيك يا المحبوب بلحيل حاير ---- انا بوادي وانت عني بواديك
يا صاحبي لو هي تدور الدواير ---- والكون يصبح ضدنا ما اخليك
تدري حبيبي ما تخون الحراير ---- تدري خليلك هايم في معانيك
احساس قلبي في سماكم تطاير ---- ولسان روحي ما جفا يوم طاريك
والعين تحكي شوقها بالعباير ---- وتقول روح يا لغلا يم مغليك
قلبن يحبك ما يخاف الخساير ---- لو هو خسر كل البشر يهتني فيك
يا صاحبي لا يهمك الوقت جاير --- قلبي معك ون ردتها الروح تفديك
احلف بمن هو عالم بالسراير --- اللي يشوفك بي ولو كنت مخفيك
غيرك ولو هو كان للقلب زاير ---- سد الحشا بابه وسد الشبابيك
وانت الذي حطيت فيني اماير ---- للحب بعيوني وفي قلب شاريك
وانكان تسالني عن الشوق ثاير ---- حتى بقربك يا وليفي يناديك
وانكان تنده لي البيك طاير ---- من نار شوقي والوله بي البيك
ما هو ببيت... لك بقلبي عماير ---- مفتوحة الابواب تنطر معاليك
وبظل اشواقك انا دوم ساير ---- مير احترق يومن تزيد بتغليك
يا ليت لي منهو يسوق البشاير ---- انك معي من دون هاذي ولا ذيك
ليت الامل لو كان بالعمر صاير ---- واهنا بعمري وانت يمي واهنيك