عيا يهيد القلب من ما طرى له==========
========= كنه قريص الداب في ظلمة الليل
واخذت اصب الكيف وسط البياله========
========== وحط فالبراد حفنه من الهيل
كني صغير العقل راع الهجاله==========
========== وكني نزيل شهار بين المهابيل
ساقتني الحيره لدرب الظلاله==========
========ولقيت في دربي بكار ٍ مباهيل
واخذت افك من البكار الشماله==========
========== وحلب وجاوب بالغنى والمواويل
القلب ولع من يشوف اشتعاله==========
=========يقول يالله ترزقه بالهماليل
بسباب غرو ٍ عن سماء الحب داله========
=========جاله من الصكات مايبهت الحيل
من مطلع هلاله لمطلع هلاله=========
======== =يمسي ويصبح بالعنا والغرابيل
يسأل يجاوب في جوابه سؤاله=========
=========يدله لحاله ذايق الويل والويل
حالي تعب من بعد ماشفت حاله=========
========== =يالله لاتفرح علي العواذيل
وجدي عليها وجد من ضاع ماله==========
============ =في دار غربه كنها وادي الويل
ثم شان وقته كيف يستر عياله=========
============لين اشتغل مع صانعين الزرابيل
أو وجد من ضيع فقيدة حلاله===========
==========وحصل بقاياها على سكة الريل
أو وجد رجال ٍ يحب الجماله============
==========لكن حظـه لاوقف ينقص الكيل
هو منوتي مابغى بديل ٍ بداله==========
==========لوخيروني في طوال المجاديل
سبحان من سوى وكمل جماله =========
========ماله شبيه ٍ في جماله مع الجيل
لو جيت بوصف يمكن انقص كماله========
========لو قمت اهد الطير ولا سرج الخيل
طير الهوى قد قال مالك وماله ==========
=========خله يروح ماجنى لك محاصيل
وعاتبت طير الحب وخفيت فاله========
======= =وعدلت ميله والهوى يعدل الميل
متى على الله يوم اجود حباله==========
======= =ورتااح يا(..ع ..) من كثرة الشيل
دايم جدى قلبي هموم وعنى له=========
=============ولا جدى عيني بظم المناديل
وهذا جدى فكري بخط الرساله =========
===========ارسلتها للي يحفظ المراسيل
من بعد مافكيت عنها الشماله ==========
===========وحلب وجاوب بالغنا والمواويل
ورتاح قلبي من عنا ماطرى له==========
========= =وقربت حيد النار كل المعاميل
وأخذت احط الهيل فا أكبر دلاله =========
========== وصب كيف الراس وسط الفناجيل
وسلامتكمممممممممممم ...
تقبلوا تح ـــــايا ..