2008- 7- 22
|
#12
|
|
أكـاديـمـي
|
رد: الاسئلة والاستفسارات
مـــرحبا اختي الله يوفقج انشاء الله
الاختبار راح يكون من 3 اقسام وهذا الاختبار التحريري طبعاا
اول قسم listening وحاولي قد ماتقدرين ماتخلين شي فاضي حتى لو ماقدرتي تلحقين عليه لان انتي اكيد راح تحسين انه يتكلم بسرعه
طبعا الاجابات راح تكون في وررقه ثانيه غيــــر عن الاسئله وبيعطونك وقت تنقلين الاجابات فحاولي بسرعه تكتبينهم لان الوقت قصير
واقري الاسئله قبل مايبدي بسرعه عشان تفهمين هو راح يتكلم عن ايش
اما البارت الثاني بيكون reading
راح تجيك 3 قطع طوال وعليهم اسئله .. ويمكن تحسين ان الاسئله مختلفه شوي عن القطع لانهم يستخدمون مفردات كثيره
ولازم تخلصين الثلاث قطع في ساعه وحده عشان كذا لا تضيعين الوقت كله في القطعه الاولى وبعدين تتوهقين
حاولي تقسمين وقتك حتى لو ماخلصتي عدي بسرعه
امــــــــا البارت الثالث بيكون writing
الجزء الاول منه ... راح يعطونك معلومات ورسم بياني وانتي تكتبين تقــــرير عن الموضوع المطلوب
يعني مثل انك تقارنين بين دولتين في الاقتصاد او السكان او هيك شي ..
وانتي عليك المقارنه و لاتنسين ضروري تكتبين النسب الموجوده في الرسم البياني ..
وهذا مطلوب منك 150كلمه <==
اما الجزء الثاني والاخير ..
انك تكتبين essay مقاله او تعبير عادي يعني يعطونك موضوع وانتي تبحرين فيه
وحاولي انك تكتبين مقـــــــدمه بشكل عام عن الموضوع
وبعدين تتكلمين عن الموضوع الاساسي
واهم شي الخاتمه يعني تكتبين جمل عامه ومختصره بنفس الموضوع طبعا
وبس هـــــذا هو الاختبار التحريري
بيوم ثاني راح يكون الاختبار الشفوي conversation
بتكون في المهد البريطاني اللي قريب من ابراج الراشد
وتدخلين على بريطاني او بريطانيه ومحادثه عاديه ..
:s12: بالتوفيق وبالصراحه هذا نقلته من رد اختي هواها خليجي لأني ما اعرف كيف احط الرابط 
|
|
|
|
|
|