هلا اختي
ماراح نبخل بالنصيحه ابد
في البدايه انتي ذكرتي 4 انذارات اكاديميه وهذا معناه بنظام الجامعه فصل اكاديمي
طبعا احتمال فيه ضروف معينه تخلي الواحد ياخذ 4 انذارات اكاديميه ولا اعتقد انه اهمال من الشخص لأنه متفرغ للدراسه ولكن اختي
الدراسه سواء كانت انتظام او انتساب تحتاج الى مذاكره ومتابعه وتركيز واهتمام
اذا كانت عندك امكانيه انك تذاكرين هناك حلول كثيره ولكن بدونها وبدون جهد ودفع مبالغ وكلها تضيع سدى
انا مانصحك بمواصلة الدراسه يعني على قولة المثل (( موت وخراب ديار ))
اذا تقولين انا مستعده لبذل الجهد في سبيل الحصول على الشهاده الجامعيه
هناك 3 حلول فقط
الأول : هو التقدم بطلب للجامعه بإعطائك فرصه اخيره لمواصلة الدراسه انتظام وهذي راجعه لأسباب انخفاض معدلك وحصولك على الأنذارات والعذر المقنع لأدارة الجامعه
ثانيا : التحويل منتسبه بنفس تخصصك وهو دراسات اسلاميه وسوف يكون له ميزات وسلبيات
ميزة التحويل بنفس التخصص هو معادلة المواد اللتي تم دراستها والنجاح فيها
وسلبيتها سوف تعادل بنفس التقدير مماسوف يكون له تأثير على معدلك وراح يعادلون فقط 15 ساعه اي بمعدل ترم دراسي
ثالثا : التسجيل منتسبه من جديد في التربيه الخاصه وهو الأفضل من وجهة نظري وذلك لأسباب
اولا البدايه من جديد في الدراسه الجامعيه والأستفاده من التجربه لأولى وراح تكون في صالحك
ثانيا سهولة المقررات الدراسيه وطريقة لأختبار مقارنه بالأنتظام راح تعطيك حافز للمواصله والحصول على درجات عاليه
ثالثا : تخصص مرغوب وناجح والحفر مدينه كبيره فيها مراكز تأهيل ومدارس في تخصص التربيه الخاصه
وسلبيتها الوحيده بالنسبه لك هو البدايه من جديد بعد 4 فصول دراسيه
طبعا نحن نقدم لك النصائح والحلول والأختيار لك انتي
استخيري ونسأل الله يوفقك لما فيه خير لك
تحياتي