[align=center]
مرات الوم القلب واشره على العين
.......... في حب منهو غاب من غير سبـه
ومرات اقول إنه سلـوم المحبيـن
..........إنك تحـب اللـي تناسـا المحبـه
ياصاحبي بيني وبينك وفـا ديـن
.......... رد العـطايـا مثـلـك يخــاف ربــه
عطني بعض ماجاك اول وهالحيـن
.......... وإلا احفظه تذكار عنـدك وغبـه
مدري دروبك لي تودي على ويـن
.......... كله متاعب والشقا منكتـب بـه
دورت عن دربك بكل البساتيـن
........... سألت كل الـورد حبـه وحبـه
الشوق عندي راجـح ٍ بالموازيـن
.......... ياللي عيونك تسلب العقـل لبـه
لك هبة ٍ ماهـي بكـل المزاييـن
.......... وآمنـّي الخاطـر بريحـة مهـبـه
نار الغلا ما يشعله كـود غاليـن
.......... ياهونها عنـدك وياسـرع شبـه
قلبي شرب فنجال حبك من سنين
.......... مايرتوي لـو كـل يـوم ٍ تصبـه
مهما يطول الوقت مثلك قليليـن
.......... والمشكله إنتـه جروحـي وطبـه
لاجيت آبنسى جاوب القلب بعدين
.......... حبك تمكن بالخفوق ولعـب بـه
بحر المحبـه لـه حـدود وقوانيـن
.......... أحد ٍ غرق وأحدٍ بموجه ركب بـه
ياللي رحلت وصار مالك عناويـن
.......... وأنا معك كنـي علـى راس قبـه
أبيك تقسم بيننا الحـب قسميـن
.......... قسم ٍ معك يبحر وقسـم ٍ بغبـه
عديت لك مره وعديـت ثنتيـن
.......... والثـــالثـــه ياخوفتـي مـن مغبـه
مالي عليك إلا الصبـر والله يعيـن
.......... يمكن تحـن ودعوتـــك لـــي تنبـه
[/align]