اهلين اختي
بالنسبة للزي
الزي الرسمي هو تنورة وقميص او بلوزه مايكون كمها قصير
وفي لبس ثاني اذا كان عندك لاب(مختبر) راح يكون الاب كوت والبنطلون الأبيض
بالنسبة للجوال جوالات الكاميرا ممنوعه
الكلية مبتدئه وفي قررات كل شوي !!
مثلا بنات اول سنه لما رسبوا في مادتين عادوا سمستر كامل على موادهم
اما الي بعدهم مايحتاج يعيدون لان عملوا قرار الدور الثاني
الدراسة تحتاج انجليزي مثل ما انتي عارفه
وتعتمد على المقالات الي تحتاج انك تفهمين كيف تكتبينها وتتابعين المسات الي يدرسونك
في البداية ماكانوا يعلمون الطريقه بشكل واضح بس لما شافوا نسبة الرسوب وكيف انو البنات مو متعودين على الكتابة بالمدرسه بدوا يهتمون بهالموضوع
وموضوع المقالات هذا هو الي معقد كثير من البنات ومسبب لهم ازمة !!
اقولك عن تجربتي انا من بنات اول سنه وما كنت فاهمة المقالات صح وهم ماعطوها حقها في البداية فحملت مادتين
وعدت سمستر والحين ناجحه الحمدالله بس فيه بنات مانجحوا بس جالسين يحاولون وفي بنات استسلموا اكيد
طبعا لو هم حطوك في الفونديشن تدرسين انجلش ماراح يكون في مقالات
المقالات لما تبدين في التخصص
ونظامهم مثل مافهمت سمستر دراسه وسمستر تطبيق في المستشفى على الأشياء الي درستيها والتطبيق كان دوام كامل في المستشفى 12 ساعه في صباحي وفي ليلي وهذا شي بعد عارضوه البنات!! بس جايز يغيرونه مثل ماعرفتي كل شوي قرار جديد
بالنسبه للفونديشن (السنه التحضريه ) مقدر اقولك عنها شي لاني مادرستها ودخلت تخصص على طول
اذا انتي حابه التخصص راح تمشين انشالله اما اذا مو متأكده انك حابته فأحسن لك تفكرين مره ثانيه
انا حبيت اعطيك فكره عامه وجبت لك سالفة المقالات عشان اوضح لك ليه فيه بنات مايمدحون الكليه
فكري واستخيري
وبالتوفيق انشالله