|
رد: مرجانة ريحانة .. عدة أسئلة تحتاج أجوبة ..
اقتباس:
المشاركة الأصلية كتبت بواسطة بسمة الشمس
صباح الخير ..
أختي مرجانة ريحانة ..
عندي كذا سؤال ..
تعرفين يعني الحال هستيري وفي أي لحظة بيجيني شيء ...
كنت أبغى أرسل لك رسالة خاصة بس ماقدرت ..
على العموم ..
1- أنا ما انقبلت في الطب ..نسبتي المركبة 90.8 ماهو احتمال قبولي في الدفعة الثانية ( م بالمية )
2- من الذكاء الشديد والجهل في الشروط حطيت جميع رغباتي كليات صحية .. هل من الممكن إني استفيد لما أروح الجامعة وممكن أدخل كلية العلوم الطبية التطبيقية ولا راحت علي ..
3- هل فيه احتمال يفتحون طب موازي هذي السنة .. وإذا لا مين ممكن أكلم عشان استفسر ..
4- إيش التخصصات الي بتنزل للتسجيل لعدم المقبولين في الكليات الصحية ( لا تخافين علي من الصدمة مصدومه من أمس )
5 - الحل في رايك .. إيش أسوي الحين .. تنفع الواسطة في الدفعة الثانية .. ولا مافيه أمل ..
مرجانة ريحانه ..
والله العظيم دعيت لك من قلبي تتوفقين بالطب وتصيرين أحسن دختوره في العالم ..
وعذراً على الإطالة بس زي ما قلت ( بموت بحسرتي ) ..
تحياتي .. |
هلا أختي ...
والله أقدر وضعك وكلنا حالة قلق زي ما إنت ...
ثانيا أشكرك على ترقيم الأسئلة فذلك يريحني كي لآ أنسى إحداها ...
السؤال الأول : احتمال قبولك بالدفعة الثانية 75 %<<<وأعتبرها نسبة مرتفعة
ولكن ضعي هذا الإحتمال آخر الإحتمالات...
السؤال الثاني :فعلا من الذكاء إنك سجلتي كلها صحية ...
عاد أنا منبهة بالمنتدى لا أحد يحط كل الرغبات صحية ...
لدرجة إني نبهتهم حتى الصحية لا أحد يحطها رغبة ثانية ...
لا ..لنن ينفع ذهابك للجامعة وطلب التحويل إلى العلوم التطبيقية
لأن أصحاب الرغبة الأولى أخذوها ...مع ذلك لا أحرمك من المحاولة ...
السؤال الثالث: طب موازي مافيه بفيصل هاذي السنة ...
والخبرأكيد للأسف الشديد ...
وإذا نا ويه على الموازي ...
في كلية ابن سينا بجدة ...
رسوم التسجيل 50 ألف للسنة ...
على مدار ثلاث سنوات ...
ثم 60 ألف للسنة ...
على مدار ثلاث سنوات أخرى ...
السؤال الرابع : مين تسألين عن الطب الموازي ؟؟
روحي الجامعة أول موضفة تلاقيها اسأليها عن الموازي ...
تقول لك ما في السنة سكروه ...
السؤال الخامس :ما أقدر أقول لك عن التخصصات إعذريني ...
أحس أجوبتي صارت قاسية عليكم ,والله ما أحب أزعل أحد ...
انتظروا يفتح التسجيل لها وإنتم تشوفونها بنفسكم ...
السؤال السادس :من قال لك إنه ما في حل ...
الحل : انتظار فتح التسجيل للغير مقبولين في الكليات الصحية ...
التسجيل في أحد هذه التخصصات ...
ولا أحد يدلع ويقول ما أبغى غير الطب ...
ويعند ما يسجل ...
ترى هو الخسران ...
السؤال السابع:لن تنفعك الواسطة إطلاقا في فيصل
ونسبة احتمال نجاح الواسطة O % فقط ...
تحياتي....
يارب وفقني للطب... ...دعواتكم يا إخوان
...
|