مساء الخير يالغايب .. وكيف الحال بشرني ؟ // ترى نفسي اذا تسأل عن الأحوال مجبوره !!
--------------------------------------------------------------------------------
مساء الخير // يالغايب .. وكيف الحال بشرني ؟
ترى نفسي اذا تسأل عن الأحوال مجبوره .. !!
هلكني الشوق ياقلبي وطبع الشوق يجبرني
أغلف لك ( تحياااتي ) بورد الود وزهوره .. !!
وأبعثلك ( خبر عاجل ) " غيابك لي يكدرني "
" وروحي شاقها بعدك وفي لقياك مسروره"
متى لقياك ؟ ياروووحي متى الطله تبخرني ؟
متى بتنور بقربك // بيوت الحب وقصوره .. !!
حبيبي .. يابعد كلي .. يابو عينين تسحرني
وخد تغار من حسنه // كل قمره وأموره : )
تعال .. وريح اللهفه .. ولا تبطي يا آسرني
خواطرنا بلياكم .. غدت ياخل .. مكسوره .. !!
بغيتك / مثل ما كنّا .. على الضحكه تسهرني
وحشني ليلي المظلم .. ولا بينت يانوره .. !!
تعال ولملم أجزااائي .. ترى هالحال بعثرني
غديت فغيبتك كنّي شخص ٍ فاقد شعوره !!
.
.
.
منقول