السلام عليكم ورحمة الله وبركاته
.
.
اشكي على الخلاق وارفع له ايدي
لاكثرت الافكار يفك منها
أما الكرم قد فازبه حاتم الطي
حتى الفرس من شان ضيفه طعنها
خلوني اكرم في حياتي وأنا حي
ولا مت مدري جثتي من دفنها ؟
خلقت في الدنيا وانا مامعي شي
وبروح منها ما معي شي منها !
مسكين ياللي تحسب الواجد شوي
والعافيه لو تنشري وش ثمنها
ياجاهل الدنيا تراهي كما الفي
يامخبل اللي في حياته ومنها
ان ناحرت لك قامت تروح و تجي
مثل الذلول اللي طويلٍ رِسنها
وأن أدبرت خلتك طايح ومرمي
وكم واحدٍ له حاجةٍ ماضمنها
لابد مانرحل عن المزح والغي
ونسكن بيوتٍ قبلنا من سكنها
النفس مثل الغصن عايش على الري
لولاه كل الناس عافت وطنها
ياالله عسى الحسنات تقضي على السي
لاقربوا للنفس ذرعة كفنها
لاقربوا للنفس ذرعة كفنها
لاقربوا للنفس ذرعة كفنها
,
,
لآمست روحي أرجو أن ترتقي لأروآحِكم
دُمتم بـِ خير