اخوي صآيل اتمنى تتقبل نصيحتي بصدر رحب
نصيحتي لك تخلي املك بالله كبير وبعدين انت ماتدري وش اللي رح يجي بالمستقبل ولا تدري وين الخيره
ومثل ماقالت اختي(حلم &&حياتي)
مافي شي يضل على حاله ترى من جد كل شي يتغير
واذا الله كاتب شي بيصير يعني بيصير غصب عن الكل ...
ومثل منت شايف القرارات كل يوم تتغير وان شاءالله نحو الأفضل ,:783:
وترى الحين حنا مو بالزمن القديم اللي الفرص بالعلم فيه محدوده ومافي مجالات
لا حنا الحين بزمن تطور بالعلم ومحاولة الأرتقاء بالأفضل
ما اقولك لا تخطط للمستقبل ولا تفكر بالماجستير والدكتوراه و بالبحث عن الافضل لا بالعكس انا احيي فيك طريقة تفكيرك الصحيحه
بس مبدئياً الحين لازم نشتغل ونتعب عشان ناخذ شهادة البكالوريوس اللي هي رح تكون الجسر اللي يوصلنا للماجستير والدكتوراه ان شاءالله ( مهما كان النظام سواء انتساب , انتظام , تعلم عن بعد ...الخ )
وبلا ماتشوش دماغك وتشتت تفكيرك بأمور سابق الأوان عليها ترى انت كذا قاعد تبرمج نفسك على اليأس والاحباط وتقنع نفسك بمبدء( ان درست ولا مادرست مافي فايده )
وترى صدقني بهاالأربع السنوات اللي رح ندرسها ماتدري وش رح يكتب ويفلك رب العالمين فيها
وبالنسبه للعمر تراه مجرد رقم وماهو عائق والله حتى لو وصلت لـ80 سنه وصارت عندك فرص للتعلم تعلم
لاتقول والله انا كبير وراح عمري ووش بيفيدني ترى هالكلام هذا انتهى عصره و صار موضه قديمه
هالحين اللي اشوفه كلن يدور عن العلم صغار وكبار
والعمر قدامك ان شاء الله
وتأكد اخوي صآيل انا مااهاجمك بردي هذا انا حبيت انصحك ماتفقد الأمل وما تنظر للأمور من زاويه وحده
وسامحني على بربرتي الزايده
موفق ان شاء الله