2010- 10- 3
|
#153
|
|
متميزه بملتقى التعليم عن بعد - انقلش
|
رد: ارجو من الجميع ان يسامحوني فإن الله قد ابتلاني
افااا بس افااا
ليييش!؟
مهما كانت الظروف لاتتنازل بسهوله ,, واذا رب العالمين ابتلاك فيابختك لان رب العالمين اختارك دون غيرك في هذا الابتلاء وربي يبارك لك بالأجر "ماشاءالله" بس اوصيك بالصبر والاستغفار وانا واثقه انك مو محتاج توصيه ولكن الذكرى تنفع المؤمنين
يعني ممكن استوعب فكرة ايقاف القيد !! لكن انسحاب كلي لاااااااا
الشهاده هذي امر دنيوي اخروي في نفس الوقت ,, دراستنا هذي تفتح لنا طريق للجنه بإذن الله تعالى
بهالسهوله تتخلى عن طريق يفتح للجنه ؟!!! فكر اكثر
my dream
انا غيرت تخصصي وانت كنت السبب بعد الله سبحانه وتعالى وما انسى لك هالفضل
سمعت كلامك وفكرت فيه واقتنعت ونفذت
والحين دوري ,, مثل مافكرت بكلامك من قبل من حقي انك تفكر بكلامي بجديه
انا مو محتاجتك بشي وكلنا هني نساعد بعضنا ,, لكن انا كنت اشوفك من الناس اللي احب اقراء لهم واتابعهم وانت من الناس اللي اقتنع واتأثر بكلامهم
طريقة تفكيرك هالمره سببت لي احباااااااط وبكيتني,, الله يسامحك
سبحان الله ليش اشوف هالخبره في هالساعه بالذات
داخله المنتدى اتأكد من اجراءات التسديد لاني لحد الحين ماسددت واخر شي انصدم بهذا الخبر .gif "(154)")
my dream
لاتروح ولاتضعف ولاتتخلى ,, احنا مانعرف ظروفك لكن انا اللي اعرفه ان الدراسه غير انها حلم وطموح فهي عباده ,, كلنا نمر بظروف وبتلاءات
ماراح انساك من دعائي وتستاهل ,, لكن ماراح اتركك لضعفك وهذا حق لك علينا وانت لك جميل علي ويارب اقدر ارده
my dream
استخير وانا اختك مره واثنين وثلاث ولا تسمع للشيطان الرجيم ,,
فيه كلام ما احب اقوله بس يمكن اذا قلته لك تعيد تفكيرك
انا ماسددت لحد الحين وتسلفت اليوم على شان اسدد وراح ارجعهم واتسلف مره ثانيه على شان الكورس الثاني وراح اتخرج وعمر الماده ماتوقف بطريق احلامنا وطموحاتنا فيه الف حل وحل ,, حتى المشاكل الثانيه "زواج , طلاق , وفاة عزيز , خساره , مرض , اعاقات حوادث وغيره وغيره" هذي كلها امور دنويه متوقعه للكل واحنا قدها ,, يكفي اللي راح من اعمارنا ويكفي اللي ضاع من احلامنا ماراح نتنازل اكثر
my dream
والله بكيتني انا مالي اي معرفه او صداقات بالمنطقه اللي انا فيها ,, كنت اظن اني راح استمد قوتي وحماسي منكم !!,,,, لييييش تروحون!!!
عموما الله يوفقك وين مارحت وييسر لك امورك ويكتب لك الخير في اي قرار تتخذه ولاتنسى الاستخاره وفكر الف مره لحد الحين الوقت معاك
وان شاءالله مانخسرك
<< اختك
|
|
|
|
|
|