مشكلتنا تدرون وش هي
ان جملة ( كل وحدة حرية بشخصيتها ) ذبحتنا
صحيح كل وحدة حرية بشخصيتها وبشكلها ووو
لكن في أشياء الواحد مايتجااوزها ويقول والله هذي حرية شخصية !
هذا شي يتعلق بالدين يا بنات
وش أكثر من ان ربي يلعن المتشبهات بالرجال !
لو كل وحدة تعرف معنى " لعن الله للمتشبهات " بالرجال كان تركت هاللي عايشة فيه ..
ربي خلقك أنثى ,
وتغييرك لمظهرك وتشبهك بالرجال كأنه اعتراض على خلق الله لك كأنثى - والعياذ بالله -
وربي الواحد يضيق صدره إذا شاف مثل هذي الأشكال
وفي نفس الوقت يحمد ربه على النعمة اللي هو عايش فيها ..
ودام ان في بوية عن بوية تفرق
لا تسمونهم بويات أجل
وش بيصير اسم البوية الأولى ( الأهون ) , نص بوية ؟
أما بالنسبة ان البنات يتعلقون ببوبيات ولا يتعلقون بولد
يالغالية , وليه تتعلق ببوية , وليه تتعلق بولد
ربي رزقها ببنات مثلها , تتخذهم صديقات بالحدود اللي ربي أباحها لنا
يعينون بعض على الخير , مو أحسن ؟
و متى ما ربي رزقها بالزوج الصالح
فالله يوفقها ويسعدها ..