تدري وش اكبر صدمتن تنصدمها../..لاحتجت لغالي وقام يتصدد
علاقه العشره بلحظه هدمها../..من شان حاجه للمافارق تهدد
وكانه ندم.. مافاد ناسن ندمها../..مافات مات ولايفيد ان تودد
جعله فدا ناسن مواطي قدمها../..تسوى لها ديره وحكم مشدد
ناسن تساوت روحها مع قدمها../..زمانها راحت عليه وتجدد
اطلال صارت..جاء زمان وردمها../..حتى مكان اطلالها مايتحدد
وجودها ماهو يشبه عدمها../..على الاقل اذا عطت ماتردد
ماهي مثل الي ربوعه صدمها ../..لاجاه في حاجه رفيقه تصدد