المشاركة الأصلية كتبت بواسطة meshary

الطبخ مش مشكلة، بعض الشغالات يجون ما يعرفون حتى شكل الملاعق والشوك ، ويتعلمون الطبخ في مدة قصيرة ، واللي يبغى يجيب شغالة من بداية الزواج . المشكلة مو هنا ، المشكلة لما يجي العريس يشوف عروسة المستقبل وعلى طول تطشها بوجهه وتقول أنا ما ابغى ادخل مطبخ ، وصارت كثير وانفضت الزيجة قبل ان تبدأ . ومع الزوج الحق في انه يكنسل زواج منها ، لأن المشكلة هنا مو الطبخ بس ، لكن يعطي الزوج احساس انها بتعطيه زمبة في أشياء غير . يعني ياخذها من منطق اللي هذا اوله ينعاف تاليه .

يعني قصدي الطبخ بحد ذاته مو مشكلة في الزوجة ، لأن الزوجة لها مئات الأشياء ممكن تقدمه لزوجها .... يغطي على أبو الطبخ .

اعتقد حتى طعم الكيكة المحروقة من الزوجة المحبة الودودة الحنون (وجعلنا بينهم مودة ورحمة) أحلى من طعم احلى حلويات في ارقى الفنادق او المطاعم . يعني بشكل عام الطبخ بحد ذاته مو مشكلة كبيرة ، أصلاً نادر اللي يطبخ هاليومين ، الشغالات صاروا ما شاء الله يسوون كل شئ والزوجة لها الاشراف والفاينال تتش ، وهذا بحد ذاته كافي و يخلي للأكل طعم .