ملتقى طلاب وطالبات جامعة الملك فيصل,جامعة الدمام - عرض مشاركة واحدة

عسولة الشرقيه · 2010- 10- 6

اقتباس:

المشاركة الأصلية كتبت بواسطة شرقاوية موووت

سوف يُقفل الموضوع بعد آلآنتهآء من الرد الكآفي على الاستفسار لكي لايخرج عن آطآرهـ.

شكراً حبيبتي ع التعااون وردك مرره أسعدددني

في مواضيع بالقسم ياما فيها سوالف وخارجه عن اطاراتها مثل ماتفضلتي
ولكن ما أشوفها تقفلت ولا أتخذ فيها أي إجرااء

اللي كنت أبي يوصلك وكنت اتمنى أشوف رد أجمل من هالرد اللي هو في غاية الجمال
أن هذي كلها فتره وتعدي وراح ترتاحون من اسئلة الطلاب الجدد واللي حابين يسجلون..
وما أظن ان المواضيع فيها إزعاج لو بقت يومين ثلاثه .. !

وغير كذا احنا كنا نتكلم مع بعضنا لبعض وكل شخص يقول للثاني ايش سوا ويفيد غيره..
ماطلعنا بسووالف خاررجيه عن موضوع الدراسه

اضطرينا نستخدم الرسايل الخاصه لتبادل المعلومات
على الرغم من انو نقدر نكتب هنا والمعلومه توووصل للجميع ومش فقط بين شخصين
وهذا كله صار بسبب كثرة تقفيل المواضيع اللي ينزلونها الطلاب
ياليت تتركون فرصه للطالب يتكلم ويسأل عن كل صغيره وكبيره
لانه مالجأنا للمنتدى إلا عشانا ضايعين وفي أشياء نجهلها ونبغى نكسب معلومات

هذا مكان للنقاش والأخذ والعطآ
وزي ماصار اسمه ملتقى

وكلنآ هنا نلتقي لنرتقي
ونفيد بعضناا بعض

ويعطيكِ ألف عافيه أختي شرقآويه مووت
هذا مجرد عتآب لكِ ولأختي البرستيج

أتمنى مايؤخذ بمحمل ثاني
والله يعلم عن احترامي ومعزتكم عندي
واحيي فيكم روح التعاون معناا وأتمنى أنو كلامي مايكون ثقيل عليكم
وماني ناكره لمعروفكم انتو ماقصرتو ولكن هذي النقطه ضايقت الجميع
ومافي أحد يجي يقولك عن حآجه ضايقته منك إلا لمعزتك عنده
ومآودي ان الكل يشيل بخآطره منكم
لان كثييير من الطلاب والطالبات أشتكو من تقفيل مواضيعهم مش واحد ولا اثنين
وبالآخرر لكِ مني كل الود والاحتراام :)