تعرفين وش المشكلة ان حنا معادلتنا في الحياة اذا ما نجحنا في الكلية حنا فاشلين اذا ما عاملونا زين احنا مذلولين ...الخ صح كل اللي قلتية بس الحياة مو بس دراسة الحياة فيها اشياء حلوة حرام نضيعها عشان الكلية
انتوا ليش تتكلمون عن الكلية كانها كل شي بحياتكم
طالعي حواليك بتلاقين اهل يحبونك..بيت ينتظرك...صديقات تقاسمينهم الحلوة والمرة..روحة جية زيارات
لية تختصرون الحياة في الكلية
ياليت ما تعتبرين كلامي فلسفة بس فكري فيه زين
انتي مثلا اليوم اللي سمعتي فيه بتغيير الدكاترة ..اللي استنتجة من كلامك انك رجعتي البيت مكتأبة واتوقع بعد بكيتي ....في اليوم هذا مثلا ضيعتي عليك انك تسوين قهوة او شاي وتتقهوين معى امك وتضحكين معها على سوالف الجيران او انك تسوين العشا لاهلك و اخوانك يعلقون عليك انك صرتي مره او يستهبلون عليك يزعم مو عاجبهم ....صدقيني هاذي طريقتي لما اتضايق من شي في الكلية اسوي شي من اللي قلتة لك ..احاول افصل الكلية عن حياتي وسعادتي حاولي ما تقعدين لحالك ابدا لانك بتفكرين زيادة عن اللزوم في امور ما راح تتغير بس بتضيع عليك لحظات حلوة يمكن يجي بعدين وتشتاقين لها
و آسفة على الاطالة