السلام عليكم و رحمة الله و بركاته
رجعت لكم اليوم و انا مالية سلتي سوالف عن الباص
مثل ما قلت لكم قبل حصلنا لنا باص تبع شركة
كانوا البنات يوم السبت راحوا معه لاني انا كنت مع اخوي الي يوديني و جيبني
وصلهم يوم السبت شفتهم في الجامعة قلت لهم ها بنات بشروا
شو اخبار الباص الجديد و كلهم ارتاحوا معه و مستانسين انو باص مريح
قلت تمام بشارة خير و كملت اليوم طبيعي
حتى جات الساعة 11 شفت اختي تقول لي
ابشرك الباص الجديد قال ما راح يوصلكم
هينا جاتني صاعقة ليه طيب و شو السبب
الجامعة بهدلت كل الباصات و الباص الي ما فيه
تصريح ما تسمح له يطلع البنات الا لما يدفع 500 لكل طلعة
و الباص الي جا لنا ما عليه تصريح لازم يطلع تصريح قبل
انصعقت طيب ليه يدفع و لمن يدفع 4000 في اليوم من باص واحد ليه
كلمته اختي على شان تتاكد قال لها
و الله مو بيدي انا ودي اوصلكم بس الجامعة معنده و الله ما اقدر اضيعكم
15 طالبة انتو مو قليلن و الله تعز علي نفسي اتركم احسكم بناتي الي ضاعوا
قال لنا انتوا شوفوا باص يوصلكم خلال اسبوعين و انا راح اشتغل على التصريح
قلنا خلاص طيب ندور باص ثاني
طبعا كل الباصات الي توصل منطقتنا كلها ما تبقينا لانو مكتفين
خصوصا اذا صار دوام الصباح لانو اغلب البنات الصباح و يصير ضغط عليهم ما يقدرون
طبعا ظلوا البنات الله يعطيهم العافية يشتغلون على الباصات
ما ظل حد ما كلمناه يجي منطقتنا يوصلنا
طبعا لو تشوفون حالي كل ليلة انام بصياح و اجلس بهم
صحيح كان اخوي الي يوصلني بس لانو كان ينتظر اتصال
من الشركة على شان يداوم في اي يوم
كلما افكر انو راح اغيب اول المحاضرات اتوتر وتتعب اعصابي
لانو مو حل اغيب كل هالمحاضرات
طبعا البنات يوم الاحد راحوا مع اهاليهم و كانت بوابة السيارات الخاصة
زحمة و عالم تبي تدخل الجامعة يعني لو كان 15 طالبة في باص
صاروا 15 سيارة تبقي تدخل
طبعا اخوي دقوا عليه الشركة على شان يبدا يداوم يوم الاثنين
هينا خلاص حسيت انو الدنيا اتسكرت في وجهي
رحت كلمت النقليات الي توصل منطقتنا طبعا نقلية الي يوصلون فيها
هنود مع سعوديين و انا اخاف كثيييير من الهنود لانو طبيعة دوام كليتنا انو ايام احنا لوحدنا الي نداوم
المهم استسلمت ودقيت عليهم قال لي اذا دوامك الصباح ما اقدر اخذك
انا ما ادري شو الي صار لي استنانست يمكن على شان لا اضطر انو اصير معهم
و النقلية الثانية البنات عالم عندهم مزحومين حدهم
اكمل لكم الي صار في الرد الجاي