طبعا احنا ظلينا حايرين
و الباص الي قال نعطيه اسبوعين على ما يخلص اجراءات
قلنا له طيب خلاص طلعنا مع بنات المناطق الثانية و برا الجامعة
نلتقي مع باصنا هو ما وافق و قال انو ما يصير
احنا استغربنا ليه ما يصير بس قلنا يمكن تسويها الجامعة
طبعا مع التصالات البنات وصلنا لنقلية راعية حلال
و الله يفرج عليهم مثل ما فرجوا علينا
قال خلاص انا مستعد اوديكم و اجيبكم
بس اعذروني الي محاضرتها 7.5 ما اقدر اوصلها لانو عندي زحمة
قلنا خلاص طيب المهم نروح الجامعة
طبعا اخوي قال لي انو راح يروح الدمام محل شغله يوم الاثنين بدون السيارة
قلت لاخوي الثاني يوصلني و عدا يوم الاثنين على خير
في نفس اليوم اخوي راح شغله و رجع في الليل على شان
ياخذ باقي اغراضه و ياخذ سيارته معه
انا كلمت صاحب النقلية المحترمة الي تبرعت تجينا وقلت
له يجيني على وقت المحاضرة الثانية لانو مثل ما قال المحاضرة الاولى ما يقدر يوصل
و احسن شي انو دكتورة المحاضرة الاولى تبع يوم الثلاثاء ما تحضر
فبكذا ما نحسب لي غياب
و طمنوني البنات انو المحاضرة معيودة و سهلة
رجعت البيت و كانوا البنات يتفقوا مع نقلية الله يعطيهم العافية
من الي يجي لنا صرنا مساكين نكسر خاطر الباصات
حتى وصلنا لواحد تبرع يودينا و يتخلى عن البنات الي كان يوصلهم لنقلية ثانية
جا الليل دقيت علي بنت تقول لي حور خلينا نروح بكرة من الصباح
قلت لها ما يصير نضغط على الرجال و هو حده مزحوم
قالت ما عليك انا كلمته و قال اوكي بس راح يجينا مبكر
قلت لها طيب و انا ماكلمته
قالت ما عليك انا كلمته عنك <<<شحليلهم البنات و ين ما يرحون يخلوني معهم
و فعلا جا الصباح على بكير واخذنا وصلنا الجامعة بكير
طلعت من المحاضرة رحت عند البواب الباصات
الا اشوف تكتل من البنات مو طالعين
قلت لهم ليش ما تطلعون على الساعة تقريبا10.5
قالوا انو الجامعة مانعة دخول الباصات و مو راضية تخلي البنات يطلعون لهم لبرا
طبعا الجامعة منعت دخول الباصات من بعد الساعة 7.5
يعني بنات كثييير غابات عن محاضراتها
و الي في الجامعة دقوا على اهلم يجون لهم
بس على الساعة 1 البنات الي ما رضوا يظلون على هذا الوضع طلعوا كلهم للباصات
و الامن لما شاف العدد الهائل الي متوجه لهم مامنعو الطالبات
طبعا انا ماستعجلت على عمري
لانو دوامي يخلص الا الساعة 3
لما جات الساعة ثالث شفت انو الجامعة
فاضية قلت اكيد دخلوا الباصات
طلع صحيح دخلوا الباصات بس ما رضوا للكل يطلع الا بغرامه
ومن ضمنهم الباص الي انا فيه
انا احترت شو بدي اساوي
اطلع ابوي من قبره يجيني و لا اخلي اخوي الي في اول ابتدائي يجي
ما في احد عندي رحت دقيت على اخوي قلت له تصنع سيارة وتجيني لانو
الجامعة مو راضية تطلعنا قال خلاص طيب بس يمكن اتاخر عليك قلت له اوكي
طبعا الجامعة فضت الساعة 3.5
و مافي احد ظليت لحالي ادور في الجامعة و انا اشوي و اصيح <<<هذا اذا ما صحت
و امن النساء الحلوين طالعين على بكير
يعني ما في امان ما تظمنين احدما يسوي لك شي
ظليت في الجامعة الى جيت اخوي الي كانت الساعة 4 و ربع
طبعا قبل ما يجي اخوي دق راعي الباص على شان يطلعنا مع نقلية ثانية
ما شاء الله عليهم متعاونين الباصات فديتهم كانهم اسرة وحدة