لاحول ولا قوة الا بالله
لو كل شخص الله منعم عليه بالخير دور على الفقراء بنفسه واقتطع من راتبه الشهري ( حتى لو كان قليل ) جزء للمحتاجين
ماكان صار اللي يصير
الزكاة والصدقة فرضت على كل مسلم ومسلمة
هذي مسؤولية مجتمع قبل ماتكون مسؤولية حكومة
مااقصد بكلامي هذا اني ابرر اللي يصير من فساد
لكن فساد + عدم اهتمام الميسورين بتأدية الصدقات والتعذر بغلاء المعيشة والمصاريف
هذي اللي تأدي لمثل كذا حالات واشد
والله العظيم ياجماعة لو كل واحد الله منعم عليه بوظيفة وراتب مستمر وصحة وعافية
فكر بس يطلع صدقة مستمرة مايقطعها مهما كانت الاسباب
كان الله كثر خيره و اعطاه من البركة في ماله وعياله و عافيته الكثير
صحيح الرواتب قليلة والدنيا غلاء بس كل هذا مايعني ان الواحد يقول نفسي نفسي
للأسف اغلبنا نفكر بطريقة غلط ونقول( استحي اعطي شوي , الشوي ماراح يسوي شي ويفشل , خليها عندي تنفعني ولا اني اعطي عطاء قليل )
لا والله , الريال والخمسة والعشرة اللي نشوفها ولا شي , فيه ناس محتاجين يشوفونها شي كبير ويفرحون فيها
خلونا نبحث عن الفقراء بانفسنا , المتعففين كثير , والمحتاجين كثير
والخير كثير وبيوتنا مليانة اشياء زيادة عن حاجتنا من لبس واكل و اثاث
اتركوا هذول اللي يمدون يدهم عند الاشارات اصلا اتحدى اذا فعلا محتاجين , الله يستر عليهم
بس جد اللي يبي يعطي , لايعطي لاحد يتسول , اللي يبي يعطي يروح يدور بنفسه وبيلقى
والله موضوعك عور قلبي لكن الله يجزاك خير على التذكير
الانسان يحتاج من وقت لاخر شي يذكره بالنعمة عشان يقول اللهم لك الحمد كما ينبغي لجلال وجهك وعظيم سلطانك , ويتذكر بعد انه مسؤول امام الله , وان النعم لاتدوم ...