*حلمنا التخرج*
فيارب وفقنا اجمعين..
بنات شدوا الهمه :)
^
^
^
هالكلام اللي فوق ارسلته بمسج لااغلب بنات القاعه الجمعه بالليل لاأول يوم دراسه لنا بسنه رابع الفصل الاول ,,
ومشت الايام بدون لااحس اني بسنه رابعه او احس اني بفقد صديقاتي او حزنت لموقف صار لنا بهالسنه كان همي اجتهاد وبس ..!
وكنت لما اشوف حزن بعض البنات انهم بيفارقون بعض اضحك لانه ابد ماطرى ببالي ..
بس اللي صدمني وصدم صديقاتي انه بالفصل الثاني بالامتحانات الشهريه ضغطونا بشكل مو طبيعي وماكنا متوقعين ان امتحاناتنا بتكون بهالشكل فانصدمنا بالجدول وصدمتنا اكثر ماده عبد الرحيم الهندسه وحاولنا نأجلها بس مارضت د/منى فاضطرينا نروح العميده وكلمناها ..
المهم اننا قعدنا ننتظر بالقاعه والغريب ان البنات كلهم تجمعوا مع انه مافيه محاضرات بس حسيت للمرة الاولى ان بنات القاعه مهتمين وللمرة الاولى اشوفنا نكلم بعض بدون قيود او حساسيات ..
كانت جلسه ممتعه بشكل ماتتصورون ضحكنا كثير كثير ..
وفجاه سكتنا وقعدنا نطالع بعض وقتها دمعت عيوني لان جد جد حسيت بفقد هالجو وبفقد هالقلوب الطيبه :(
بنات قاعتي احبكم في الله عسى ربي يوفقكم .