السلام عليكم ورحمة الله وبركاته
.
.
الـع ـقل م ـيـزهـ
راآئِعة لـ الشاآعِر : غ ـاآلي الع ـضيله
.
.
اعــز نفسي لين تاقف على الجــال
مالي ومال اهل النفوس الضعيفــه
ما همني غلطات جاهل وجهــال
ان جت من الجاهل قديحه وليفــه
تركتها عاقل ويدرون عقــال
العقل ميزه والجهاله كسيفــه
والهرج مايهرج على غير رجال
ولا كل من يهرج علومــه طريفــه
العلم له معنى وللكيف فنجال
ياوين رحتوا ماعليكم حسيفــه
هذا كلام الصدق والصدق ينقال
ونفسي عن الهفوات دايم عفيفــه
انا عريب الجـد والعم والخـال
اشرب لحم البيـر واترك غريفه
من شجرة فيها الدفى دايم ظلال
ربيع قلبي في زماني وريفــه
والمرجلـه هقــوات واهداف وآمــال
وبيت الردي ينهد محدن يضيفــه
بيت بليا ساس لابد ينزال
والمنزل العالـي براس المنيفــه
وياما لبسنا من جديدات وسمال
وياما غدا ماقلت ماله خليفــه
دنياك هذي كل يوم لها أحـوال
بين الرجا واليأس دايم مخيفــه
هذا مثل والناس كم تضرب أمثــال
ولا كل ما هام المراجل بكيفــه
ومن لا عرف ماقلت ما قيل وش قال
يكفيك من كثر الكلام تعريفه
وصلاة ربي عــد ما هل همــال
و اعداد ماهبت ذعاذيع صيفه
على نبــي خصــه الله بالارســال
اللي رفع دين العروبه بسيفــه