المشاركة الأصلية كتبت بواسطة ابو جنى ..

ام خالد انا شفت محاضرتين من الرياضيات سهله والله .. صح رموز وزحمه بس مع شوية تركيز تنفهم ..

انتي بس اذا جيتي تذاكرين قفلي قناة بداية وقولي لابو خالد شوف اللي تبغاه في المطبخ لاتجلس تزعج اهلي خليني اركز ..

وورقة وقلم واكتبي اول بأول يعني رؤس اقلام والشي اللي ماانتي فاهمته اكتبيه على جنب وتعالي نناقشه هنا في المنتدى اول بأول مثل اللي حاصل في منتدى النقاش بس المشكلة هناك موضوع مناقشة مادة الرياضيات صار شات وسواليف وضحك وثلاجات قهوة ..
بكره اتوقع ادخل هناك الاقي وحده منزله طريقة حلى مع ان الاخت مالي شبيه الله يسعدها ماهي مقصره في القسم ..

اذا تحبين نفتح موضوع هنا خاص بالرياضيات وندرس مع بعض يمكن نشجع بعض ويروح الكسل ..
او نعمل لنا جدول معين وكل يوم او يوم بعد يوم ندرس مادة معينة ..

بالعكس انا متحمس الترم هذا اكثر من الترم اللي راح .. الترم اللي راح مع ان درجتي حلوه بس ندمت اني مادرست من بدري ودرست بس ايام الاختبارات ..
وعشان كذه بديت ادرس من الحين عشان مااكرر غلطة المستوى الماضي ..

انتي شوفي ايش يناسبك ..