2010- 10- 10
|
|
أكـاديـمـي فـعّـال
|
|
|
|
مشكلتي
صباح الخير 
بنات انا عندي مشكله مضيقه ابو خلقي 
ياليت تساعدوني....
انا تحضيري
ومن الجبيل وانقبلت بالأداب رحت اول اسبوع اخذت طلب زائر لكلية التربيه لكن ماقبلوا الطلب .gif "(154)")
قالوا يمكن الترم الثاني يقبلون
المهم رحت للأداب قلت ابي اسوي تاجيل هالترم
قالوا لي انتظري لين يطلع جدولك ودخليه مدري وين ؟؟!! مافهمت عليهم
اصلا هم الله يهديهم مايبون يفهمون احد
رحت وجيت بعدها بكم يوم اخذت جدولي وجاتني صدمه من الجدول انا بشعبة 31
والجدول بالنسبة ليا جدا زفت .gif "(175)")
مافي ولا يوم اوف ويوم الثلاثاء اطلع من الكليه الساعه 15:40
رجعت البيت اهلي مو موافقين إني كل يوم اروح للدمام وارجع يوم الثلاثاء بهالوقت
يعني ياليته يوم الأربعاء عشان بعدها يكون فيه نومه
كلمت باصات الزرم قالوا لي اخر وقت للباصات الساعه 3
طيب انا مين يرجعني للبيت يوم الثلاثاء؟؟؟ :d1:
اهلي قالوا لي حاولي فيهم يمكن يغيرون جدولك!!!
رحت لهم الأربعاء إللي فات
و ولااحد سمعني للكامل كلهم يقاطعوني ويقولون لي روحي
و وحده قالت لي روحي عند استاذه.... والله ناسيه اسمها
المهم رحت عندها وليتني مارحت
بس سمعت إني ابي اغير جدولي صارت تقولي (( لا مافي لا مافي مافي مافي))
اقولها اسمعيني طيب....
تقول اكتبي مشكلتك بجدولك واعطيني هي وانا إن شاء الله برد عليك
قلت لها متى تردين علي
تقولي مدري يمكن اسبوع ؟؟!!
قلت لها لا انا ابيه الحين عشان لو ماوافقوا بطلع اسوي تأجيل
تقولي روحي إنتي الحين وربك يحلها
ابي افهم وين ارووووح؟؟!!
انا ترى ما اعرف احد بالدمام
لكن فيه بنت فديتها سألتني
وقلت لها كل شي هههههه
قالت إطلعي عند العميده وإن شاء الله بتحلها لك
طلعت عند السكرتيرة واخذت الورقه مني ودخلت للعميده
وطلعت وانا متأمله إنها وافقت
لكن ما وافقت مدري ليه؟؟؟
قالت السكررتية حليها مع دكتور الماده؟؟!!
قلت اجل مالها إلا هالتأجيل
ورحت قدمت اوراقي
وقلت لها وشلون الحين السبت ما اداوم؟؟
قالت لا لازم تتداومين عادي وتحضرين محاضاتك
قلت لها اجل ليه انا مسويه تأجيل؟؟!!
انا ماعندي احد يوديني ويجيبني لهالكليه!!
قالت هذي مو مشكلتي......
وهذا انا امس واليوم ما رحت للكليه
وترى ماسجلت موادي للحين...
|