المشاركة الأصلية كتبت بواسطة fay

أهلا أختي

كيف حالك ؟
عندي سؤال لك هل انتقلتي من مكان سكنك إلى مكان ثاني
من فترة ليست بعيدة ؟

العصبية شي طبيعي الكل في فترة من فترات حياته
يحس إن الكل ضده وكل شي عليه
فأقل حاجة تعصبه
و ضغوط الحياة وكل التغيرات اللي يمر بها الشخص
ما تخليه سهل على الواحد إنه يحافظ على هدوءه وأعصابه

أما الحساسية و الزعل عرفت بنات واجد بالسرعة يزعلوا

نوعا ما هو الموضوع نفسي مئة في المئة
تفدري تسيطري عليه
لكن ماراح يكون الموضوع سهل
زي ما يقولوا العادات القديمة مو سهل التخلص منها

حاولي إنك توجدي عادات جديدة
زي مثلا لما تحسي نفسك خلاص بتعصبي وبتفقعي في أحد
ممكن إنش إذا كنت واقفة تجلسي
و لاتنظري في الشي اللي عصبش و زي ما قالت لك الأخت
ملكتني بالحب
ذكري الله

أحيانا إذا كنتي واصلة لدرجة إنش خلاص مافي أمل تهدئي
أدخلي غرفتك واجلسي و حدك وفجري غضبك وانتي تنظري لنفسك في المراية

البعض ممكن يقول لش شيلي اللي في بالش وفكري بشي ثاني أنتي تحبيه
و يحسسش بالأمان و الهدؤ

أما الحساسية و الزعل
حاولي إنك تسمعي وجهة نظر الآخرين كاملة وتفهميها
و إذا كان شي أحد قاله زعلك تقدري إنك تقولي له
وحاولي إنك تاخذي الأمور بهدوء


عموما اختي لاتنسي تذكري الله
وحاولي تداومي على سورة و العصر

اتمنى أكون ساعدتك
لكن هذا ما راح يكون شي تقدري بين يوم وليلة تغيريه
لأنه أساسا جزء من شخصيتك
فلا تتحطمي أو تزعلي لما تحسي النتايج بعدها ما بانت
لكن يوم عن يوم إن شاء الله
راح تهدأ شخصيتك