|
رد: اللي عندها سؤال عن سنه رابعه جفرافيا
اقتباس:
المشاركة الأصلية كتبت بواسطة celina
طيب قلبو بسئلك بما انك تخرجتي الحمدلله
انا سنه ثالث ومره شايله هم رابع
انتي تشوفين سنه رابعه اصعب سنه يعني اصعب من باقي السنين ولا لا
من حيث المواد والدكاتره والتعامل
وووين الصعوبه واصعب شي واجهتيه
وبحث التخرج احس مسبب لي ازمه انتي تشوفينه شي معقد ومتعب
وكم يعطون الدكاتره على البحوث يعني يعطونك درجات ولا لا ؟؟
عمتي تخرجت من قسم تاريخ وتعبت ع البحث اخر شي دي
وايش النصايح اللي ممكن تقدمينها لنا من خلال خبرتك وتجربتك بالكليه لين تخرجتي
|
هـــــلا وغــــــــــــلا
بالعكس سنه رابعه تجنن وسهله مره وحتى المواد خفيفه مرررره
واحلى سنين عمري سنه ثالثه رغم ان المواد دسمه بس حلوه
والدكتورات والدكاتره الي درسوني في قمة الروعه كانو متعاونين معانا مره
وبالنسبه لبحث التخرج خليه الى وقته لان انتي في سنه ثالثه والبحث في سنه رابعه و لان ماراح تحسي بالماده الا بعد الدراسه وبصراحه أكثر شئ تعب نفسيتي هو بحث التخرج لان هو عمل جماعي مو فردي وفيه ناس تشتغل وناس لالالا وناس أقل شئ تروح تنقل كلام عند الدكتور او الدكتوره بس ان شاء الله مايصير اليكم مثلنا يااارب...
وبالنسبه الى الدرجات يعطو على حسب شغلك لاتخافي..
ومن خلال تجربتي في الكليه راح اعطيك كم نصيحه اول شئ توكلي على رب العالمين
وثاني شئ حاولي دائما تحضري المحاضرات وتركزي على الاشياء الي تقولهم الدكتوره في المحاضره
وحاولي بقدر الأمكان تكسبي رضا الدكتورات وخلي صورتك حلوه قدامهم
وفي الامتحانات الشهري حاولي تحصلي على الدرجات كامله علشان في النهائي لاتحاتي وتنجحي بسهوله والابحاث اتعبي فيها وخليها
تكون روعه ونفس ماتبي الدكتوره ولاتسمعي كلام البنات في طريقة ابحاثهم
بالعكس اسئلي الدكتوره نفسها...
(((كاني كتبت قصة حياتي))
واذا عندك اي سؤال انا في الخدمه قلبو
|