2010- 10- 12
|
|
أكـاديـمـي
|
|
|
|
|
والله بنفجر من القهر ياناس
وش ذا القهر وش هالمسخره الي في الاكاديميه واللهِ ماعندهم كلمه وكلامهم مثل وجهم
اني من اكاديمية الدمام ومعاي اختي بالاكاديميه اليوم راحت المستشفى عندها تطبيق
لانها مستوى رابع واني مستوى خامس
, المهم, اختي قبل ماتبدي الاكاديميه سئلتني وش نلبس في المستشفى قلت لها بنطلون ابيض ساده وجزمه بيضاء وبالطو رصاصي ومسكينه اني واختي رحنا فصلنا لنابنطلون وبالطو
بدت الاكاديميه وبدت الدراسه(علماً الى الحين مادرسونا ولامحاضرة)المهم جتنا مشرفة التدريب الي في الاكاديميه وقالت لنا التعليمات الجديدة ممنوع لبس البنطلون (تنورة بيضاء وواسعة) تقول هذا من الهيئة الصحيه والمستشفيات كلها تشتكي منكم لان تلبسون بنطلون لذالك حطو نظام جديد كل المعاهد والجامعات الصحيه في المملكه راح يلبسون تنورة بدل البنطلون
اختي اليوم راحت المستشفى هي وصديقاتها ومطبقين جميع التعليمات , شافتهم مشرفة قسم التمريض وصارت تهاوشهم ومنعتهم من التدريب وعطتهم مخالفات وطلعتهم من المستشفى بدري وقالت لهم ماابيكم تجون مره ثانيه بهذا اللبس والي يجي بهذا اللبس باوقفه من التدريب في المستشفى وقالت لهم التعليمات وهي كالتالي( لبس بنطلون ابيض او يونيفورم ابيض لبس جزمه بيضاء مافيها ولا لون ولاحتى مطرزة بأي لون وبالطو رصاصي فاتح مش غامق وضروري كشف الوجه)
وش هالمسخره وش شايفينا كل يوم قوانين وطلبات جديدة وش شايفينا قاعدين على بنك مثلاَ , والله صرت استحي من اهلي كل يوم والثاني طلبات وفلوس حق الاكاديميه
على العموم اني تدريبي يكون اربعاء وخميس وبكره باروح المستشفى وبلبس تنورة وتحته بنطلون عشان اذا هاوشتنا افصخ التنورة بسرعة .gif "(156)")
|