|
متميزه بملتقى التعليم عن بعد - تربية خاصه
|
رد: وينكم يا مشرفين المنتدى ابو فهد ضاقت عليك ومالي شبية ,,,,,,,,,,,الخ
اقتباس:
المشاركة الأصلية كتبت بواسطة فزاعة
قبل لا تبدأ الدراسة كان المنتدى مليان بالمشرفين اللي يفيدونا بتنزل المحاضرات والملخصات والأجابة على كل الأستفسارات ,, لكن للأسف الحين ولما بدينا البداية الفعلية للدراسة ونحتاج المسااااااااااعدة !!!!
مالقينا هالمشرفين كأنهم أختفوا المنتدى صار مليااااااااااااااااان بالأستفسارات والاسئلة اللي ماهي لاقية أجابات كافية ( فقط الأعضاء يردون على بعض ) لكن أهل الخبرة من المشرفين مالهم حضور .....
وجميع الطلبة والطالبات متوهقين ,,,,,,,,,,
يعني مثلا : انا هالحين دخلت على البلاك بورد ألقى محاضرات علم النفس بدون محتوى ورجعت للمنتدى علشان أشوف وش السالفة لقيت الطلاب منزلين كتاب لعلم النفس ويقولون نذاكر منة ؟؟؟ يعني كيف مافية محتوى طول الترم ؟؟ وحنا مطالبين بهالكتاب ؟؟؟
لا بعد يقولون الأنجليزي كتاب مافية محتوى والدكتور مقسم الدرجات 70 على الامتحان و 30 على الواجبات والأنشطة ....
طيب أنا كطالب منتسب لهذة الجامعة وعلى حسابي الخاص من حقي أن أحد يوثق لي هالمعلومات أنها صحيحة ويرد على أحد المشرفين الموثوق فيهم ( ابوفهد , مالي شبية , مدري مدري , ودي أدرس ) اللي كان دورهم فعال معانا قبل الدراسة
ماهو يرد على الأعضاء اللي هم أصلا عندهم أسئلة مالقوا من يجوب عليها....
وأخيرآ ,, اعذروني على أسلوبي القاسي نوعا ما ,, وأرجوامن المشرفين تواجدهم ....
|
اسمحي لي ارد عليج حبيبتي على حسب اسلوبج
ليش الاعضاء مو مالين عينج يعني في عضو رد عليج ولا فادج في شي
يعني لازم يكون مكتوب تحت اسمه مشرف او ماينفع الي يقوله او يرد عليج فيه
والمشرفين الحمد الله مو مقصرين ومثل ما انتي تدرسي وعندج مسؤوليات حتى هم يدرسون وعندهم مسؤوليات
عني انا اول مادخل الملتقى ادور على الاستفسارات واحاول اجاوب على الي اقدر عليه مو شرط انتظر المشرف يرد ع العضو
وليش احنا شنو دورنا بالملتقى نحوس ونسال ونستفسر ونحوس المنتدى على المشرفين ؟؟
وبالنسبه لاسئلتج
محاضرات علم نفس للحين بدون محتوى حتى انا ماعندي محتوى
اسمعي شرح الدكتور ولخصي معاه عشان ماتتراكم عليج وكل هذا من موقع الجامعه يبيله وقت على مايتنظم ويتعدل لان طلاب الانتساب مو ميه ولا ميتين
ومافي كتاب لعلم النفس قال الدكتور في المحاضرة التمهيديه انه المحتوى + المحاضرة تكفي للمذاكره منها للاختبار واللي حاب يطلع على الكتاب يشتريه مو ملزوم ياخذه ويذاكر منه
وبالنسبه للانغلش حبابه ماكو لا محاضرات ولا شي
للحين مانزل شي ليش تشترين كتاب منو الي قالج؟؟؟؟
والدرجات منو الي قالج عنها؟؟؟ واحنا انتساب مو مسؤولين لا على تمارين ولا على شي
درجتنا 100 بالاختبار فقط مالنا دخل بالتدريبات
ولما يجي الدكتور ويقولكم اشتروا كتب اشتروها لاحد يجي ويالف من عنده والدكتور مو منزل ولا محاضرة
وبليييييييز خلاص وبس حوسه ...تراكم حستونا من بدايه الترم ....اعتمدوا على المحاضرات والمحتوى واللي يقوله لكم الدكتور
تابعوا المحاضرات اول باول عشان تعرفوا شنو المطلوب منكم....
سوري ع الاطاله بس ماقلت شي خارج الموضوع
وسسلامتكم
|