السلام عليكم ورحمة الله وبركاته

اعذروووووني على اسلووووبي بس خلاااااااص فقدت اعصابي تعبت نفسيتي وصلت اقصاي

من سجلت بجامعتكم كل بداية ترم لازم مأساة ودوران بين مكاتب الموضفات تقل اطر منهم

كل وحده تحولني على الثانيه لين اطيح من التعب اخر النهار


انا حولت من جامعة الامام بالرياض ماشفت ربع اللي شفته هناااااااااااااااااا عذااااب وربي

اول ترم جلست شهر ونص اراكض وراهم مره عشان المعادله مره عشان الجدول ويالله بديت

دراستي زي العالم جيت متأخره عن البنات وكل مااطلب من بنت معلومه عن المحاضره

تصد والا قلت للتيتشر قالت خوذي من البنات قلت لها عيو يعطوووني ولابنت فيها خير

واقعد اطر من التيتشر المحاضرات وسالفه الادهي من ذلك حاطيني مع طالبات راسبات يعني

كلهم فاهمين الماااااده بس انااللي مطيره خشتي وكل استاذ يشرح لنا على انننا كلنا

فاهمين المنهج وسبق ودرسناه وانا انط كل مره اكلم بالتلفووون شوي واصيح اقوووله انا جديده

على المااااااااااااااده ماعمري درستها نظام جامعتي غير عن هنا بس لاحياة لمن تنادي

ويوم اجي للجامعه كان معدلي فوق ال3 واللحين تحت ال 2 والسبب انو مافي تعاون بين

الطالبات والتيتشرز والدكاتره ماعليهم كل مااقولهم محد يتعاون معاي يقووولووو معقوله ماعندك

صاحبات <<< هذ الصدق محد يبيني

ولترم اللي بعدو صارت لي مأساة ثانيه عشان بقدم اعتذار عن الترم لاني بولد بنص الترم

وبسافر عند اهلي بعد الولادة وبعد الضغط النفسي اللي شفته قررو يزيدووو عذابي زود

وجلست شهر كامل اراكض وراهم بموضوعي كل مره يقولو مابعد ضبط لازم تجين كل يوم لين

يقبلون عذرك داومت شهر وكرشتي قدام ومع المشي دااااااخل مدخل الجامعه اللي يبلغ طوله

500 متر هذا ان ماصار كيلو تعببببببببببببببببببت مرضت كرهت الجامعه وبالطاعون قبلو

عذري

الترم اللي بعدووووو طلبت عوده للدراسه انصدمت وانفجعت لما قالو لي تراك صرتي تحضيري

خيييييييييييييييييييييير اللحين اكرف واتعب واخررتها ادرس مواد تحضيري زودن على موادي

وبلعتها وقلت بكيفه يالله رحت للعميده بكبرها وشرحت لها موضوعي وقالت لي خلاااااااص

بنفتح لك البنر وسجلي موادك <<< هالكلام يوم الاثنين جيت الثلاثاء بعد ماايست من البنر

قالو بيفتح الاربعاااااء اكيد وطووووووووول الاربعاء مرابطه عند النت لكن لافاااااااائده ومافتح البنر الا

الجمعه ويوم جيت ادخل مواد التحضيري زي ماحكمت ادارة الجامعه بلارحمة ولارأفه اني ادرسها

والصدمه (( غير متاح للكلية )) رحت السبت وصفيت طابور له اول ماله اخر واخرتها يوم جا

دوووري قلت الفرج فجأه تجي استاذه تقاطع دوري بلا احم ولادستور تبي تصلح جدول طالبه

من طالباتها بسنه رابعه وانا انوووواع الجحده وانتظررررررررررهم لين حضرة الافندية صلحت

جدولها ويوم خلصت واشرح لها مشكلتي وفتحت البنر قدامي قال انتي موادك لازم تسجيل

يدوي روحي لاستاذه امل تصللحه لك ورحت لها وبعد انتظار طوويل عطيتها اوراقي وقالت لي

الاسبوع القادم تعالي جيت الاسبوع القادم وجدوووولي ماتحرك ؟؟؟؟ ويوم دخلت عليها قالت

: انتي مين و بدت تحقق معي كأنها ماتعرفني وقعدت مره ثانيه اشرح لها وضعي وكيت وكيت

وبعد معاناة قالت اااااااها انتي فلانه قلت لها اي قالت خلاص برفع اوراقك الاسبوع الجاي

للعمادة خييييييييييييييييييير متى بترفعينهم طال عمرك بلعتها زي الغصه وهذا الاسبووع الرابع

انا طالبة مجهوووله مجحووده ولاكأن لي وجود بجامعتكم وللحين ماعندي جدول زي العالم

ويقولون لي داومي لين يضبط جدولك طيب اداوم كيف وانا دواومت اسبوووع كله فشايل ضايعه

بين القاعات والله يستر من القادم بس بصراحه انا نفسيتي تعباااااااااااااانه مره مع اني كنت

اعشق الدراسه بس كرهوني فيها قررررت انسحب واخلي الجامعه للناس اللي لهم احد

يساندهم :(