أول شئ تشوفين ايش المواد الأصعب يعني مثلا مادة صفحاتها كثييييييييييير ولازم لها حفظ يعني لازم تحاولي تحفظي أول بأول لأنه لو فتحتيها يوم الإمتحان أكيد ماراح تقدري تحفظي كل المعلومات بمدة قصيرة لأنه كتاب المدارس مايجي أبدا جمب كتب ولا ملازم الكلية
اذا مادة انتي ضعيفة فيها أنصح بالمذاكرة أول بأول...وبالأخير يعتمد على الطالبة يعني فيه بنات يبوا النجاح حتى لو على مقبول وبالأخير تلقينها تحلطم على المعدل ...وفيه بنات مجدات من الأول وحابين ياخذوا معدل مرتفع عشان يتخصصوا على كيفهم
انتي حابه دراسات لازم تجتهدي وتنجحي بمواد هذا القسم
واذا حابة تتخصصي عربي لازم تنجحي بمواد العربي
واذا حابة تتخصصي بالإنجليزي لازم تنجحي وتجتهدي أول بأول بالإنجليزي لأنه يبغاله جهد وتطوير لغة غير بس المنهج والكتاب.
اممممممم وايش بعد...يعني حطي لك هدف وتخصص حابته من البداية عشان تتحمسي عليه ولو رسبت في مادة انتي ماراح تتخصصي فيها ماراح تزعلي كثير لأنه راح تتخصصي باللي تحبينه وتدرسيها بعدين أهم شئ ماتأثر بالمعدل.
خلي علاقتك قوية بالدكتورات لأنهم يلاحظوا مين المهتم ومين الكسلان وبالأخير يراعوا اذا الطالبة تستاهل
فيه مواد لازم تحديد مع الدكتور وفيه مواد مايحددوا الدكاتره يعني لازم انتي تشوفي ايش اللي ركزوا عليه بالمحاضرة...وترى عااااادي اذا سألتي الدكتورة بشكل عام كيف أذاكر المادة...ترى والله أحسن لك من البداية تعرفي طريقتها لأنه مذاكرة المادة تكون على حسب الأسئلة اذا مقالية وتكتبي كثير واذا موضوعية اذا تحلي فراغات وصح وخطأ وبعض الدكاتره يبون من فهم وبعضهم لازم نصا يعني لازم تعرفي طريقتهم.
وهالأمور هي اللي تفرق بين البنات اللي ياخذوا درجات كويسة واللي ياخذوا درجات ضعيفه
واذا فيه مواد حابتها أو تلقيها صعبه اقرأي في الكتاب أو الملزمة قراءة بس قبل محاضرتها يعني تحضري بيصير سهل عليك تفهمي ومنها ماتعبتي كثير لأنها مجرد قراءة تحضيرية وبالمحاضرة مع الأستاذة راح تثبت المعلومات اللي قرأتيها.
هذا كله من خبرة أختي بالكلية ,حبيت أفيدك مثل ما استفدت
.gif "(204)")
التطبيق أصعب مافي الموضوع بس نحن لها, الله يسهل علينا :)