راح ادون اليوم تدوينة غير شكل
يوم الثلاثاء الماضي رحت مع اخوي كالعادة الجامعة من الصباح الباكر <<شكلي راح اتفق مع ادارة الجامعة تعطيني المفاتيح انا على شان افتح الجامعة :mh19:
رحت على فراغتي لاني ناقصةنومة نمت في المصلى
حتى جات الساعة 7.15 و توجهت الى كليتنا المصونة
كان مقرر في هذا اليوم اني اقابل شخصية حبوبة
و كنت متشوقة اشوفها كثيير هي وشخصيات غيرها
المهم رحت انتظرت عند الموقع المحدد
ظليت اشويتين تالي مشيت
قلت لازم اخلي قريبتها بعدين تعرفني عليها
رحت احوس في جامعة KFU حتى جا وقت المحاضرة
و توجهت للكليتنا الا تشوفني قريبتها
تقول لي فلانة تعبت و هي تنتظرك
هنا انا اتحسفت ليه ما صبرت اشويتين زيادة كان شفتها
المهم راحت اخذتني ودتني عند قاعتها وقالت لي هذي هي
الشطورة كانت مندمجة في محاضرتها قطعنا عليها حبل افكارها <<<و مفتخرة حضرتك :103:
المهم تعرفنا على بعض من بعيد لبعيد
تالي رحت محاضرتي لما طلعت منها الاقي عند الباب
دكتورنا ملوكة فديتها و خيرا اتشرفت بشوفتك حبوبة
على الاقل صار شي حلو في الاسبوع المتوتر مع الباصات
تالي شفت مونا الحبوبة و عرفنا بصراحة بنات شخصياتكم صج تجنن
صج ا جلست جلسة معكم بس واضح انكم فلة
بس لحظة كأنو في احد ناقص ما شفته :mh19:
اي ماشفت 1992 يالله ان شاء الله انشوفك الايام الجاية
عاد بداية اليوم كانت حلوة بشوفت البنات
و نهايته كانت في معمل التشريح
ما راح اكتب شي على شان اخوتنا الصغار في سنة اولى يتشوقون
و الزوار لمدونتي ما يسكرون المدونة و لا يخشونها ثانية
يوم الاربعاء رحت الجامعة و لا احد فيها فاضيييييييييييييية <<اكيد رايحة الساعة 6.13
بس الجامعة تهبل الجو روعة <<< واخيرا اعتدل الجو
و ما في حتى العاملات رحت مبنى مبنى ادور عالم ماشفت احد
حسيت روحي في طاش ما طاش لما جلس من النوم و لا لقى اهله
على الساعة 6.25 بدات الجامعة تصير فيها حياة
بس الخبر الحلو انو من يوم الاربعاء الماضي طلعت مع باصي الجديد
و ان شاء الله راح اضل معهم كل سنيني
و اخيرا حسيت باستقرار النفسية
و بث هذي اخباري