2010- 10- 15
|
#25
|
|
المٌشٍرفه العَآمه على منتدى كلية إدآره اعًمًالٌ سابقاً
|
رد: للمشاركين بمسابقة أفضل قصة قصيرهـ هنا وضع المشاركات .
[align=center]
بسم الله الرحمن الرحيم
هالقصه من كتاباتي في احد المنتديات القديمه
عباره عن قصه قصيره فكاهيه (( بالعاااميه ))
العبره منها ( الضحك والفرفشه فقط )
راح ابدآ فيها بسرعه عشان ما اطول السالفه وهي قصيره
قصتي تتلخص في طلاب وطالبات ( جامعه الملك فيصل ) ( انتساب & انتظام )
راح اسدر فيها اسماء عشوائيه من راسي عشان اختصرهآ
بتتكون القصه من ( اسماء & نك نيمات )
صراحه هي طويله حبتين لأني ما اعرف اكتب شي قصير احب افصل واخلي القارئ يعيش الدور "
انا بنزلهاا للفرفشه كان بتدخلونها المسابقه اوك وماكانها ماتدخل برضوو مايخالف
اتمنى لكم وقت ممتع ""
بسم الله الرحمن الرحيم ""
اليوم هو اول يوم اجازه لنااااا فـ قررنا احنا الطلاب والطالبات ان تجتمع بالجامعه عشان نعيد الذكريات فيهاا "
طبعا احنا كنا ندرس في جامعه اسمها ( جامعه الملك فيصل )
والحمد لله كللللنا نجحنا ومحد دبل السنوات كلنا درسنا 5 سنوات بالتمام والكمال والحمد لله واتخرجنا محد زودها وخلاها 6 ولا 7
<<< اووووخص يالدفاااره
فقرر مدير الجامعه مكافأتنا ورسل لنا الوكيل الي هو آدمن عشان يخبرنا
( بالسبرايز )
واحنا وقتها كنا في القاعه قاعدين تخطط ونقرر وش بنسوي ووين بنروح
وشوي دخل علينا الوكيل آدمن وقال
ادمن/ السلام عليكم ورحمه الله وبركاته ؟
واحنا كل واحد فينا كان قاعد قعده الله لا يوريك
خالد/ رافع رجوله عالطاوله
سعود / متكي على الجدار
فيصل / قاعد عالإرض
عبد الله / متكي عالباب الخلفي هو و معتز
وقاعدين يسولفون
عزوز/ طاااق حنك مع سويد ودحوم ومنصور
ويلعبون بلوت
واحنا البنات يالبى قلوبنا
كانت فروحه جايبه معها مكياج ( ميك آب ) وقاعدين نحوس فيها
كلنا كنا متجمعات وانا دفووفه كنت قاعده اسوي لهم الميك آب
<< اوخص ياجويل
وساره ورناا / يساعدوني مس سوسوتختار الألوان
وحصه / قاتعده تحط مناكير موب حولناا كانت
<<<< خوش جامعه
المهم
ادمن / ؟؟؟ ماشاء الله وين انتو قاعدين فيه ؟
وحنا / يؤ يؤ بسم الله وعدلنا جلساتنا بسررررررررعه و خالد
المسكين يبي ينزل رجوله من فوق الطاوله وبالغلط رفعهم زياده من الخرعه
وطررررررررررررررررن على الأرض ؟
ومين كان وراااه الفريق الي كان يلعب بلوت
دحوم / احمدووه آآآآآآآآآآآآآآآآآآآآآآآآآآي قوووم وخر كسرت ظهري ؟
عدنان / طيرت لي نعالي يارجال
عزوز/ يوووووووووووووو حسافه كنت بفوووز
سلطان / وش عنكم تلعبون بلوت انا ماقلت اذا بديتو نادوني ؟
ادمن / اذا خلصتو علموني طيب
انا / يؤ يؤ افااا لالا خلاص تفضل آمر
ساره / تفضل حياتي وروحي هديه تراها عشانك ياغالي شويه
انا / اطق رقبه ومعاي ملوكه
ادمن ( يقول في نفسه هذول مو وجه مفاجأة والله لو اسوي لهم مشرع طقاقات ازين والله يا انه بينجح جناح مو طبيعي )
المهم اسمعوني انا اليوم جاي اخبركم عن مفاجأه لكم من المدير ؟
فرح / والله وشي قول قول يا وكيلنا قووول
خالد/ الله يبشرك بالخير والله اني حاس ان فيه شي
ادمن / طيب اسمعو طيب
ملوكه/ ايه هذانا نسمع يالله قووول
فروحه/ والله مفاجأه وشي طيب قول ان شاء الله شي حلو
ادمن/ طيب اسمعو طيب عطوني فرصه أتكلم
سويد/ وناااسه ونااسه ويطق رقبه مفاجأه اكيد اكيد بعطونا مكافآت زياده على ال 2500 الي عندنا صح
<<< 2500 ايه هين
فيصل / والله ياوكيل صدق بتزيدونها الله يجزاكم خير ماتقصرون
فروحه / الا اكيد زودوها مديرنا طيب وحبوب عشان كذا زودها صح ؟
رناا / ايه صااادقه والله الكل يكفخ اوووه قصدي يضرب فيه المثل
انا / هاااااه يالله قول يا وكيل وش هي المفاجأه حمستني فيني رقصه انا ؟
ادمن / لا ياشيخه احلفي عاد
انا / مين شيخه هاااااااه طيب طيب ومسوي نفسك وكيل علينا هااه شيخه اجل منهي ذي اعترف اعترف
ادمن/ لاحول ولا قوة الا بالله
احمد/ عظم الله أجركم ما البقاء الا لله
ادمن/ مين مات عندنا بسم الله علينا
انا / يووو أكيد شيخه ماتت الله يرحمها يا وكيل لا تزعل هذه سنه الحياه
ادمن/ لا ياشيخه احلفي عااد ( معصب ) الموت صار سنه حياه اجل الزواج وش يطلع "
انا / رجعت تناديني شيخه شكلي اشبهها وانا مدري انا اسمي دفئ يا وكيلنا الغالي دفئ مو شيخه
ادمن/ يارب صبرني
الشله / آآآآآآآآآآآآآآآآآآآآآآآآآمين
ادمن/ خلاص خلصتو كل واحد فيكم قال الي عنده ؟
احنا / ايه طال عمرك بصوت واحد <<< اموت انا ع الأدب
ادمن / مابغيتو تسكتون المهم
بمناسبه نجاحكم وتخرجكم بنسبه رائعه قرر المدير انه
انا / قاطعته ايه ايه ايه يالله وش قال <<< مبققه عنونها
ادمن / دفئ وعااااااافيه اسكتي ماصارت عاد
انا / هئ هئ هئ هئ ليه تصارخ علي انا ليه ليه دايما تحط الرحه فيني انااااا
ادمن / لا لا خلاص يابنت الحلال ما اقصد بس اسكتو وربي تخلون الواحد يطلع من طوره
انا / طيب لا تصارخ علي تراني حساسه ودمي خفيف ورقيقه رابح غنااا اغنيته في منتهى الرقه علي ترى لكن تواضعآ مني ماصورت معه الفيديو كليب
الشله / بصووت واحد في منهى الرقه في منتهى الذوق حبيبتي في كل حاجه عجيبه
والبنات على طول فوق الطاولات ورقص
والشباب قلبو الطاولات وقعدو يطبلون وبعضعم تلثمو بألشماغ وقعدو يرقصوون
فاتكم عزوز وسويد عليهم رقص ولا في الخيااال
ادمن/ قعد يهز معنا لكن بدون محد يشوفه وبعدين قال
يووووووووووووووو خلاص عاد بس بس بااااااااااااااااس
احنا / وقفنا فجأه ؟
ادمن/ ماصارت مفاجأه هذه خلاص عاد السالفه ماتسوى دقيقتين انتو خليتوها 20 ساعه
اسمعو بسررعه عشانكم نجحتو وتخرجتو الله يقلعكم ولا يردكم لناا ولأني بأفتك من خششكم وجعلي ما اشوفهاا مره ثانيه قرر مدير الجامعه ارسالكم مدري تسفيركم في بعثه ترفيهيه لمدينه ( استراليا ) وراح تقضون فيها اسبوعين على حسابه الخاص هاه هاه هاه هاه
<< يتنهد من الصراخ والتعب ؟
احنا / نعم نعم نعم كيف كيف ماسمعنا ممكن تعيد الله يطول بعمرك
<< اووخص ياااا أدب
وعاد الوكيل عاده مره ثانيه لكن بسرعه كانت سرعه 280 مع وجود مصبات وصخور وحفريات في قارعه الطريق
<<< حشاا طريق بو حدريه على غفله
المهم وقال الي سمع سمع والي ماسمع يسأل الي جنبه واذا كان الي جنيه ماسمع أحس عساكم ما سمعتو ان شاء الله
<<< من جد عصب وكيلنا
احنا / يوووووووووووووووووو ام الفله والوناسه هلا هلا وقعدنا نرقص يسعدنا ربي احنا دايم عالهزاز
وعطانا ورقه وقال لنا طبعا كل واحد فيكم ماراح يسافر الا بموافقة ولي امره وهذه ورقه جيبوها يوم الثلاثاء لأن الرحله يوم الأربعاء يعني عندكم 3 ايام طيب
احنا / مو معاه اصلا قاعدين نرقص من الوناسه وبعضنا قعد وفوق راسه نفس علامه الإستفهام الي تطلع على راس ماروكو اذا تعجبت
آدمن / الحمد لله والشكروطلع من القاعه وهو حاط يده على راسه
احمد / وناااااااسه يالله خذو خذو وعطوها أهاليكم وان شاء الله الكل موافق
وكل واحد ووحده فينا أخذ ورقه
وكان مكتوب فيها
[frame="1 98"]
بسم الله الرحمن الرحيم السلام عليكم ورحمة الله وبركاته اما بعد "
الى المكرم ولي أمر الطالب / الطالبه الموقر
نتيجة لجهود وتفوق ابنكم / ابنتكم
لقد قررنا الآتي
تكريمهم برحله لمدينه ( استراليا ) وقضاء وقت ممتع بصحبتنا لمده وقدرها اسبوعان
وكل ذالك على حساب الجامعه
شاكرين لكم حسن تعاونكم معنا وبعدين كانو حاطين
موافق .......
غير موافق .....
[/frame]
[frame="1 98"]
وهنا زاد عليها عزوز
( وارجاء تزويد ابنائكم وبناتكم بمبلغ من المال والرجاء ان لا يكون أقل من3000 ريال
وشكرا )
[/frame]
<<< اوووخص عزوز يا ابو الأفكار انت
المهم والكل راح وعطا اهله الورقه
وكان الوضع في بيتنا كالتالي :
يمه يبه الحقو على انا ماني مصدقه الي صار اليوم بالجامعه ؟
امي / وشو في أحد حاط عينه عليك ويبي يتقدم لك ؟
ابوي / او يمكن تقدم لك وانتي مو مصدقه الخبر صح ؟
انا / حشا حشا حشا وش فيكم تبون الفكه مني كأني قاعده على قلوبكم ؟
لا مو هذا الي صار
اسمعو اسمعو انا بقرالكم الي مكتوب بالورقه
امي / اكيد رساله غراميه وانا امك صح يالله يادفئ علميني انا امك مين هو ؟
ابوي / يالله انا اخليكم على راحتكم وبروح اتابع مبارات الهلال بعد شوي بتجي
انا / يوووووووووووو يمه وش فيك الله يهديك ماني متزوجه الحين توني في ريعان الشباب وانتو تبون الفكه مني وراكم مستعجلين
يبه تعال الله يطول بعمرك اسمع اسمعوني مره وحده وبدون مقاطعه لو سمحتو ؟
<<< بدون مقاطعه وهي ام المقاطعات ماتخلي أحد يقول كلمتين على بعضها طالعه على امها وابوها
المهم
انا / فتحت الورقه وقلت اسمعوني بسم الله الرحمن ومامداني اقول الرحيم ولا يدق تليفون البيت تررن تررن
امي / لحظه يادفوو برد وبعدين كملي
انا / آآآآآآآآآآآآآآه أكيد الوكيل ادمن داعي على المسكين حسيت فيه والله
امي / دفئ هذا صديقك عزوز
انا / طيب عطيني السماعه؟
امي / ؟؟؟؟؟
انا / يؤ يمه عطيني
امي / لحظه
انا / يؤ يمه
امي / هلا والله بولدي عزوز اخبارك يايمه واخبار الاهل اقولك ياولدي كيف تصرفات بنتي دفئ معاكم بالجامعه
انا / مبققه عيوني واقول يممممه مو وقت مجلس الأمهات الحين ؟
عزوز/ يقول في خاطره انا اوريها ويقول
دفئ يوووو ماشاء الله عليها أخلاق وطيبه وحسن ودلال لكن فيها شي ما اقدر اقوله لك ياخالتي أخاف دفئ صاحبة احلا المشاعر تزعل
امي / نعم وش فيها وش سوت علمني
انا / في خاطري ( يووو وش قال لهاااا عاد ماقلت تسأل الا عزوز الي ماقد قال كلمه صادقه بحيته يووو ذا لو يقول بالبحر في سمك اقوله كذاب آآه ياربي وش قالها)
امي / قولي ياولدي خوفتني
عزوز / مااات من الضحك وقال لالالا ياخالتي العب عليك مافيها الا كل خير
امي / اشوه
انا / يممممه عطيني السماعه عشان اقول لكم المفاجأه وش هي
وآخير عطنتي السماعه وقلت / هلا عزوز
عزوز / هلا دفئ هاااه خبرتي اهلك تراني مكلم كل الشله والكل بيجي الحمد لله كلهم أهاليهم وافقو قلت بشوفك انتي الحين هااااه وش صار معاك
انا / باقي ماقلت لهم ماعطوني فرصه اتكلم وانا اختك لكن الحين بس اقول لهم واخبركم بكرى ان شاء الله
عزوز / لا تخبريني اليوم خلصي ودقي علي لأني بسوي شي لنا ؟
انا / والله وشو ؟
عزوز / ياااحبك للعجله خلاص خلصي وعطيني رنه
انا / اوكي باي
طيب والحين نرجع لمحور حديثنا يمه يبه احنا بنسافر مع الجامعه لإسترايا لمده اسبوعين على حساب الجامعه لكن لا تخافون علي ورجاءأ لا تقصرون انا بنتكم و استاهل مو عشان هالسفره على حساب الجامعه تقومون ماتعطوني دراهم هااه ترى انحر بعدن
<<< تحبيني ولا ولا تحب الدراهم
وتفقدوني ومايصير عندكم بنت زيي ترى الكل يتمناني
آآه آآه دقيقه بأخذ نفس تعب من الكلام "
<< تاااخذ نفس
ايوه و خلاص الله يطول باعماركم اكيد موافقين يقولون السكوت علامة الرضا وانتو سكتو يعني موافقين اجل يالله انا استاذنكم بروح اوضب الشنتايه عشان الرحله وبدق على عزوز أخبره بالمواقفه طيب
<<< حشا ماعطتهم فرصه عشان يردون بكلمه وحده فكرت وخططت وقررت وانهت المسلسل بنهايه سعيده
<<< كانت معكم الكاتبه الموقره دفئ المشاعر على شاشة ام بي سي غزه
المهم
ودقيت على عزوز وخبرته وثاني يوم بالجامعه كنا كلنا موجودين ومستانسين
وهنا قال هشومي / اصصصصص الكل يسمع عزوز وش بيقول لكم شي
v.i.p / تفضل
دفين / قول كلنا آذان صاغيه
ملوكه / هاااه هات وش عندك
المهره / قول ياساحرهم
طيوبه / شباب اسكتو خلوه يقول وش عنده
كلي ذوق / صادقه طيوبه اسكتو
الدلوعه / يؤ طيب استكو انتو أول عشان الكل يسكت
أسير / خلاص عاد خلونا نسمع وش عنده الرجال
عزوز / مسك سماعه الهوت فون وحطها في اذنه وقال فرفوش دمعه اذا خلصو من الهرج والمرج علموني انا بسمع راشد الماجد لين يخلصون
امير / يوووو زعلتوه الحين ماراح يتكلم زعل علينا الرجال
انا / لالالالا تخافون ساحرني حبوب ما يزعل
شوشو / ياعيال بسكم عاد استكو دقيقه وحده
بنت الرس / لا اسكتو ثانيه بس كلكم تتكلمون مره وحده والمشكله محد يسمع الثاني
انا / هااااااااي عندي لكم لعبه الي يتكلم هو ......؟ وهنا صرت اسمع صوت الساعه في القاعه من الهدوء
وقعدت ااشر بعيوني لدمعه واقوله بعيوني دق عزوز خله يتكلم
دمعه / يهز راسه يعني طيب ويدقه
عزوز / هاااه وش فيك
دمعه / يسوي حركات بيده ويقوله احنا خلاص سكتنا
عزوز / لالالالا مابغيتو طيب بما اننا كلنا بنسافر لأسترايا قررت قرار وان شاء الله يعجبكم
وهو اننا نطقم البلايز والبناطيل ويصير لبسنا موحد ؟ وش رايكم؟
عزوز / انا قلت وش رايكم ؟
احنا /ساااااااكتين ؟
عزوز / هههههههههههه والله حاله اتنو يا تتكلمون يا تسكتون ولا تنطقون ماعندكم حل وسط تكلمو انطقووو
وهنا عزوز قال في خاطره لازم اسوي حركه عشان اخلي واحد او وحده فيهم يتكلم
وقااال احم احم ( مايطيق الصبرآآآ .... نحت انا لوبرآآآ )
احنا / نهز ونهز
عزوز / يانظير عيوني ؟؟
احنا فجأه كللللللنا بصوت واحد قلنا ( ودعتك الله يانظير عيوني ) << فرقه ابو سالم
عزوز / ايوووووه دست على الوتر الحساس عندكم اعرف لكم انا هااااه وش رايكم بالفكره حلوه ؟
عبودي / ايوه يا عزوز والله الفكره حلوه ولا وش رايكم يا شباب ويا صبايا
شوشو / الفكره روووووعه
انا / طيب وش هي التطقيمه ؟
بتعرفون وش لبسنا ووش طقمنا الحين
عزوز / بلايز سبورت بيضه وبناطيل جينز من محل
( سترادوفاريس ) وكابات جنز عليها كتابه بالأبيض وجزم بيضه رياضيه عليها كتابه بالجينز وشنط اسبورت جينز عليها كتابات بالإنجليزي و باللون الأبيض وش رايكم؟
احنا / روووعه خلاص تم
وكل واحد ووحده فينا أخذ شنطته وحط فيها كل مستلزماته واغراضه
انا عن نفسي حطيت في شنطتي
( عطر , مكياج , أعواد اسنان ,
صابون , كريم , لزقة للجروح , ديتول , فيفادول للي ترتفع حرارته , فازلين , فكس لو
اصيب احد بالبرد , كوت ومخده عشان اتمدد اذا تعبت )
ويوم جاء اليوم المنتظر الي هو يوم الأربعاء وقبل لا اطلع من البيت قلت بودع امي وابوي
انا / يالله يمه يالله يبه مع الف سلامه اشوفكم على خير ان شاء الله
امي / انتبهي على نفسك يا بنتي
ابوي/ مع الف سلامه ياقلبي
امي / دفئ
انا / لبيه سمي يمه
امي / من جد مافي أحد حاط عينه عليك وانا امك
انا / لا يا يمه لالالالالا تدرين شلون انا بسافر الحين طيب وبرجع عقب اسبوعين ومعاي ولدي
( جورج ) عيونه زرق وشعره اشقر خلاص عشان اونسكم فيه
امي / لا يا شيخه ؟
ابوي / احلفي عاد اقووووول اعقلي هاااه
انا / شيخه ؟ يالله شيخه شيخه لالا آآسفه يبه استهبل معاكم يالله مع السلامه
ويوم رحنا للجامعه كان الكل موجود واغراضه معاه وشوي
شفنا طيوبه وشوشو وكلي ذوق شنطهم بتنفجر
انا / يؤ بنات خير وش فيكم ترى كلها اسبوعين ونرجع وش كل هالملابس ذي مابقيتو شي بالدواليب ؟
طيوبه / لا ياغناتي احنا جايبين معنا ( فروه ) وحده لنا ووحده مجانا ووحده وللزمن عشان البرد هناك
احنا / ههههههههههههههههههههههههههههههه الله يسعدكم ان شاء الله
ادمن / جاء لنا ووجهه محزن ومكتإب
احنا / يؤ بسم الله عليك ياوكيلنا وش فيك ؟
ادمن / انا ؟؟؟؟ اناااااا ؟؟
انا / ايه بس عرفت منت قارد على فراقنا صح ؟
ادمن / لا ياشيخه ؟
انا / رجعنا لشيخه انا اسمي في كرت العائله دفئ ويدلعوني دفووفه وين وجه الشبه بين اسمي انا وشيخه ؟
ادمن / انا بصراحه زل لساني وقلت للمدير ان ودي اروح معاكم للرحله لأن ماقد سافرت في حياتي والمدير ماصدق خبر على طول قالي
المدير/ من جد يا عاشق بتروح مهاعم الله يطول في عمرك ايه هذا هو الوكيل الي مديره
يعتمد عليه انا بصراحه من زمان كان ودي اكلف واحد من الدكاتره انه يسافر معاهم لكن
دكتور مجنون الحب و يزيد و برايف و عاشق الريم و دكتوره وشموعه وخفوق والطير
كللللهم مشغولين
والله اسعدتني بإقتراحك هذا خلاص تم روح استانس معاهم ووسعو صدوركم
احنا / علامه استفهام كبيييييييره على روسنا وقلنا ( طيب وش المشكله الحين )
ادمن/ انا ماقد سافرت وما اعرف شي هناك وانتو مشاء الله عليكم كثار انتبه على مين ولا مينا خاف احد فيكم يضيع هناك او يتوه وانا مدري عنه
بنت الرس / يؤ يؤ افاااا يا وكيل احنا كبار ولا تخاف علينا ان شاء الله بنروح وبنستانس وبنوسع صدورنا ونرجع واحنا بكااامل وناستنا
ادمن/ صدق ؟ الله يعطيكم العافيه ريحتوني الله يريحكم يالله نتقابل اليوم العصر ان شاء الله عشان نروح للمطار
احنا / تم
وجاء العصر لى خير كل واحد صلى في بيتهم ولبس اللبس الي احنا متفقين عليه وكانت
اشكااالنا توووووحفه تهبل ونخقق بلد بحاله
يؤ نسيت اقول لكم عشوق وش كان لابس
لبس كذا نفس لبس رجال الصيد الشورت البيج الي طقم مع البلوزه والقبعه وماسك في ايده مسدس
احنا / يووووووو
وووووو احلا احلا وش هالكشخه يا وكيل
انا / اووخص يا رامي الصياد الصغير اروووح كشنه
الشله / هههههههههههههههههههههههههههههههههههههه
المهم كلنا كنا كاشخين وتوجهنا ب 3 باصات لمطار الملك فهد
وكانت الطياره الخاصه لنا احنا بس
<< شباب السعوديه مين قدنا
وركبنا الطياره ومثل ماقلت لكم كانت خاااصه لنا احنا بس
وفي الطياره كانت الأجواء كالتالي :
طيوبه طيوبه
طيوبه / لبيه هلا دفئ آمري
انا / تعالي هنا وشوفي المناظر روووعه من جد
طيوبه / طيب جايتك الحين
الشباب جالسين مع بعض وكان معاهم الوكيل ادمن
وكان قاعد يقول لهم ( ايه الحين احنا بنروح لمكان خارج السعوديه واكيد فيه شباب هناك
أي واحد فيكم يشوف واحد قاعد يتحرش بوحده من خواته لا يتردد ويدوس ببطنه
الشباب / افاااااا عليك لا توصي حريص
ادمن / كفو والله عيالي السنعين
ونجي عند البنات
طيوبه / بنات احنا الحين بنسافر لمكان خارج الممكله واكيد راح
يكون هناك فيه بنات شقر وصفر وخضر لا تسمحون لأي وحده تقرب من اخواننا والي تقرب حيلكم فيها
انا / افااااا عليك بطيح فيها تقبيص لين تقول بس ( ستووب ستووب ) دونت تاتش مي
ياحبني لنا قلوبنا على بعض يسعدنا ربي
وعقبها وصلنا بحمد لله لمطار استراليا وهبطنا تحديدا في العاصمه الي هي( سدني )
والله لو شفتو الي شفناه مناظر الطبيعه بروعتها ورونقها قدام عيوننا
خضار واراضي خصبه والجو الي يرد الروح والنسائم العليله والعصافير الي تهبل والأشجار العاليه
<< كانت معكم معلقه الحاله الجويه دفووفه بنت دافي غزه .
واستقبلتنا 4 سيارات كبيره ومعاهم المرشد السياحي الا وهو
( سفير الأحلام )
و تجولنا في انحاء استراليا وتمتعنا بروعه المناظر الخلابه وهنا
قال لنا ( سفير ) ترى بكرى بنروح للغابات الإستوائيه الي
بإستراليا وبنبيت هناك 3 ايام وقبل كذا بنوديكم ونوريكم آثار ومعالم بلادنا
ورحنا وشفنا آثار ومعالم استرليا رحنا شفنا مكان سياحي روعه يطل عالبحر اسمه
( جولد كوست ) وبعد (عالم البحار) وبعد رحنا ل ( المدينه الترفيهيه دزني لاند )
ومشاهده عرض النحل وإطعام النمور والكنغر يعني مشاهد ومناظر ولا اروع وفي عندهم جبل يعتبر مثل الكهف كله رسوم ونقوش
ويوم خلصنا اتجهنا بقشنا وعفشنا الى الغابات وقبل كذا قلت لهم بنات وش رايكم نلبس لبس يليق بالغابات
الميموني / كيف يعني ؟
انا / اقصد نلبس لبس كذا كأنه لبس الصيادين يالله خلونا نطقم
والكل عجبته الفكره وايدني
واتجهنا للباصات الي جات تودينا ومعنا طبعا المرشد السياحي ( سفير)
ويوم وصلنا طبعا كان الوضع كالتالي :
مكان ولا في الخيال اشجار طويله وكبيره وحيوانات ودبب سناجب .
قالت لنا المهره يالله الحين الكل بيشتغل خلونا ننصب الخيام ونشب الفحم عشان نطبخ الغداء
وقعدنا نطقطق بهالخيام وننصبها ( تذكرنا ايام روحتنا للبر ) الله على ذيك الأيام
<<< ايه بعد صارت بنت استراليا
وخلصنا ودخلنا اغراضنا للخيمه وجاء وقت شب الفحم
شيبناه والحمد لله
ابو نوره / عندي اقتراح وش رايكم نطبخ كبسه عالفحم ؟
هشومي / ايه والله صادقه
الشله /يالله قدام والله الفكره شي
بنت الرس / انا بروح شوي بأستطلع واشاهد مناظر استراليا وبصور المناظر الخلابه
ادمن /وانا بروح معاك يابنوته انتظري وفرفوش سمع كذا قال هشومي حبيبي اذ جاء وقت الغداء نادوني انا بروح معاهم
هشومي / ابو السحبه اوكيه خلاص
واحنا مشتطين مع طيوبه والشباب و (سفير) في تقطيع البصل والطماطم وغسيل الرز وتتبيل الدجاج
الدلوعه وكلي ذوق/ قاعدين يقطعون السلطه
ساحرني وعبودي/ يرتبون السفره
انا وشوشو/قاعدين تقطع الدجاج ونتبله
دمعه/ يطلع الصحون والملاعق ويسوي لنا جو بالمناديل ويحط وسطه الملاعق
الميموني ودفين / يقلبون الرز ويكشنونه
وحان وقت الطعام وتطلع طيوبه المثلث مثل الي بلأفلام الي اذا بغو ينادونهم يدقونه كذا ( ترن ترن ترن )
وجلسنا كلنا عالسفره وشوي؟
انا / لحظه وين ادمن وبنوته وفرفوش؟
الشله / ايه والله فقدناهم وينهم ماصار تصوير هذا
ساحرني / شكلهم بيحمضون الفيلم حق الكاميرآعشان كذا تأخرو
الشله / ههههههههههههههههههههههههه
ابو نوره/ دفووفه ؟ وين الرموت حق جهاز التتبع الي سويناه يمكن يفيدنا ويدلنا عليهم
<< هذا جهاز اخترعنا هانا ودمعه ولزقناه على بلايز الشله عشان اذا احد ضاع لا سمح الله نلقاه من خلاله عليهم
انا / ايه والله بروح اجيبه
انا / يووووووووووووو الحقو علي الجهاز يقول انهم على بعد 50 كيلو وانهم داخل شي مدري
وشو ماقدرت احدد شكله؟
امير / ايه اكيد بنوته تعبت عليهم وقالت بقعد شوي
انا / ياشق بطني وين راحو ذوول قومو بنات يالله شباب خلونا ندور عليهم بسرعه
دفين / طيب والغداء انا جوعان حدي مسوي رجيم وللحين ما اكلت شي يسد جوعي ويوم قررت اخربه تقومون
انا / دفين ؟ لاحقين عالأكل قوم ندور عليهم
والمرشد ( سفير) / يالله بسرعه ندورهم
البنات ينادون / بنوووته فرفوش عشووق وينكم؟؟
وانا / لا يا مرشدنا الجهاز يقول من هنا هم تعالو وراي ؟
وهنا ساحرني واسير / يا قوم وينكم ردو علينا بسرعه احنا جوعانين مو وقت اللعب مالنا خلق نلعب ( غميمه ) واحنا جوعانين؟
واستمر النداء وانا قاعده اناظر بالجهاز وكل مانمشي يزيد صوت طنين الجهاز
وقربنا قربنا وشوي؟
دخلنا مكان كذا يشبه مكان الهنود الحمر ومساكنهم
انا / الفرااااار ياقوم انهم الهنود الحمر وش جابنا هنا ترى ضيعنا الوجهه شكل الجهاز خرف بسرعه خلونا ننحاش من هنا لا يلقونا الحين
وفجأه تأشر طيوبه بيدها وتقول شباب شوفو ؟؟؟؟
احنا / وين ؟
طيوبه / تأشر بأصبعها ومين شفنا ؟
شفنا القوم الضائع ادمن وبنوته وفرفوش
انا / ياشق بطني وش ذا الي انا اشوفه
كلي ذوق / الله يصلحكم وش بكم انتو الحمد لله ؟؟
وكانو في مكان الله لا يوريكم انا مدري على بالهم حمام سونا ولا مكان خاص للصنفره ولا وشو ؟؟
كانو مستانسين والوضع عاجبهم بقوه
انا / هييييييييييييييييييييييييييييييه ؟؟؟
وش تسون هنا الحمد لله والشكر وش جابكم هنا ؟
بنوته / يالله انت حيهم هلا هلا اقلطو تعالو معنا في ذا خلونا نتمرخ ونلين عظيمانتا تعالو بسرعه الماي يخقق ارووح كشنه ؟
فرفوش / دفوو الوضع رووعه تعالو الماي دافي بالحيل
ادمن / شباب لا يفوتكم الماي يجيب النوووم والله
انا / هييييييييييييييييييييييييييييييييه صاحين انتوو من جدكم مين حطكم هنا ؟
بنوته / وش فيك تصارخين ازعجتين اسكتي انا الحين بقولك لا تصارخين اسمعي احنا
مشينا وصورنا اشياء كثيره وتعبت عليهم من المشي وجلسنا وشوي جو ناس نشمين
مسكونا وعلقونا في خشبه وخلونا مثل حرف النون لكن بدون نقطه وجابونا وضيفونا وفي
الأخير حطونا في ذا الماي عشان نسترجع شبابنا وزودونا ببعض الخضار عشان البشره
تصير نضره ؟
انا / وعاااااااااااااااااااافيه ان شاء الله قومو هذا ( قدر ) قاعدين يطبخونكم فيه بياكلونكم شافوكم مربربين وفيكم لحم قالو ليش نفوته ؟ ؟ قوومووو
بنوته / وشو ؟ يممممممممممممممه ساعدونن ابي اقوم احس ريحتي طلعت ياويلي ويلاه انا داخل قدر آخر عمري انطبخ ؟
ادمن/ يؤ يؤ يؤ يمممممه بسم الله ابي اقوم وماني قادر ساعدونا الله يخليكم ما ابي
انوكل مابي اموت الحين وتكون آخرتي كذا تعالو بسرعه في سلم هنا جيبوه عشان ننزل
قبل مايرجعون
ادمن/ يافظحنا فظحاه انا قايل احنا مو وجه سفرياات انا آخر عمري اصير في قدر وانطبخ ؟
بسرررررعه جيبو السلم ما بي امووت وجبنا لهم السلم ونزلو بدون ماتحس القبيله الهنديه
بشي وبسررررررررررعه دعسنا 280 وعلى الخيام شلنا الغداء والحوسه وركبنا الباصات
وقال قمر 15 / انا بسوق ذا الباص وخرو عني الي يبغا يجي معاي بسرعه يركب قبل لا اروح بسرعه مين بيجي معاي وركبو معاها نص البنات والشباب مع المرشد ( سفير)
دفين / وانا بسوق الباص هذا ولا بعدين بيشوفوني اهلي في نشره الأخبار ويقولون مصرع فتى في ريعان الشباب ويسدحون جثتي على الأرض وما يبقى منها الا خاتمي الألماس
<< ايه هين بسررررعه
مين بيجي معاي
انا / روحو انتو معاها بسرعه احنا بنلحقكم في آخر باص ومابقى الا انا وساحرني
وطيوبه وبنت الرس ودانه وهشومي وكلي ذوق
هشومي / وانا بسوق الباص الثالث خلصونا خذو الأشياء المهمه والباقي مو لازم
انا / بسرعه ياطيوبه عز الله صرنا وجبه شهيه لهم واكيد بيبقون لهم مكان عشان يحلون
في الضعاف امثال ( المهره وملوكه )
طيوبه / لحظه وين الفروه حقتي مين سرقها
دانه / اقوول امشي تعالي بلا فروه بلا خرابيط وهنا الباص الثالث بقياده هشومي عيا يمشي ونحاول فيه ونحاول وماقدرنا نزلنا عشان ندفه لكن لا حياة لمن تنادي وكنا احنا خايفين قال
ساحرني/ خلونا نجلس داخل الباص وقلت لهم
انا / بنات الي راحو الله معاهم احنا ربي كاتب لنا اننا نموت هنا وكيفيه موتنا هي عباره عن التهام من قبل بني جنسنا من الهنود الحمر
المهره / تصيح اولاه لا مابي باقي ما اعرست انا طيب
كلي ذوق / تضرب على راسها وتقول ياويلي ويلاه وش الي جابنا هنا احنا مو وجه سفريات حدنا الدمام والخبر والله
طيوبه / تصيح الا قصدك الجبيل البلد ياربي امي واهلي ماراح اشوفهم مره ثانيه
انا / خلاص يا بنات قدر الله وماشاء فعل
وهنا قال لنا ساحرني طيب اسمعو
انا / وشو ليقت حل علمني ياخوي تراني ميته من الخوف
ساحرني / خلونا نقوم نطلع من الباص ونمشي يمكن نلقا مكان نحتمي فيه لين الشمس تطلع
ادمن/ ايه صادق يمكن نلقى مثل الأفلام هذيك البيوت الي فيها طاوله بالنص وعليها
اكل والله انا جوعانه
انا / لاوالله مين الي كان قاعد ينطبخ وماخلانا نذوق طعم الأكل لأننا كنا ندور عليه هااااه علميني مين ؟ وطلعنا من الباص وقعدنا نمشي ونمشي والغابه باليل تجيب الصرع من
الخوف الدنيا ظلام واصوات البوم والحيوانات مطربتنا
طيوبه / دفوو سكتيهم اولاه ازعجوني ؟
كلي ذوق / من هم
طيوبه / هذول البومات سكتيهم انا خايفه ومرتبكه
وشوي نسمع / ووووووووااا
انا / يووووو الفرار انهم الهنود الحمر اكيد يدورونا بسرعه خلونا نركض وقدنا نركض ونركض
انا / بسرعه يا كلي انتي وطيوبه اركضو بسرعه والله بياكلونكم وهنا مدري وش لمس طيوبه من ظهرها
وقالت / يمممممممممممممممممممممه وتدعس وررررررررر 180 الي كانت ورى صارت اول وحده ومن كثر الركض رجولنا ماقامت تشلنا احس اننا خسينا 20 كيلو
انا / خلاص بنات هدوو هدوو السرعه خليكم على 60 ماعاد ما اسمع صوتهم وشوي
ساحرني / دفوو في نار هناك مين هذول الي عندها ؟؟
يمممه خلينا نهرب
دانه / يكونون الهنود الصفر ؟
انا /الهنود الإيش ؟؟؟
دانه / الحمر
انا / اهاا اهم شي خرفتي وانا اختك
كلي ذوق / طيب تعالو نشوف يمكن يقدرو يساعدونا ورحنا وقربنا من هالنار المشتعله ورحنا عندها هناك ومالقينا احد
انا / اقول ايها الحزب ورى مانضف خششنا من هنا ونرجع للباص احسن اخاف انه مكان احد ويجي الحين ويشوفنا ويكون مشتهي يتعشى
ساحرني / لا والله احلفي من جد في واحد هنا على بالي استهبال
انا / اخزه ؟ وش تقصد يعني هاه علمني لالالالا قولي قولي تعال هنا تفاهم معااي وخروو هدوني عليه 
طيوبه / مين ماسكك اصلا ؟
انا / يوووو اخلصو الحين وش بنسوي طيب
هشومي / ههههههههههههه ابو التصريفه دفووو
انا / هشووووووم ؟ <<< معصبه
كلي ذوق / بس عاد خلون نشوف لنا صرفه الحين
وشوي جاء واحد رجال شايب مسكين عجيز وشافنا من بعيد
احنا / السلام عليكم ( بالإسترالي طبعا )
وشوي طلع الأخ يتكلم عربي مكسر ( مثل الهنود يعني )
قالت له المهره / لو سمحت احنا هنا من الصبح وكل الي معنا راحو وباصنا اخترب ممكن
تدلنا على آمن ننام فيه لين الصبح ؟ ( الوقت كان ليل )
الشايب / ايوه تألو مأي انا ادني مكان آمن تأأألو وراي
ساحرني / والله مو منك من هالعصا الي معك بس اقوول اخلصوو تعالو يالله نمشي وراه
ومشينا مشينا مشينا لين قلت انا
انا / حشي سباق المراثون هذا ولا وشو متى بنوصل تعبنا تكسرت رجولنا وبطوننا فاارغه لا فطور ولاغذا ولا عشا ؟
هشومي / صدقتي يادفى والله اني تعبت
المهره / انا لله اصبروو مابقى شي ونوصل
عطوره / غنو غنو عشان ماتحسون بالتعب
احنا / نطالع عطوره ونظراتنا تقول اسكتي الله يخليك هو باقي فينا صوت اصلا ووصلنا مكان كلللله اشجار كبيره ومخيف وفيه هناك خيمه كبيره دخلنا فيها هالشايب وقال لنا
سوف أأتي بأد قليل
انا / هههههههههههه سبستون على غفله
طيوبه / الحمد لله الحين بنرتاح وننام وبعدين نرجع للفندق
انا / امحق سفره والله احنا مو وجه سفراات
وهنا اتى الشايب ومعه عشاء وفييييير مدري وش ذابح لنا اصلا بس الريحه تدووخ وكنا
جوعانين ونبي ناكل على طول دقيها بالخمس حتى نسينا نسمي مع العجله وخلصنا وبعدين ارتحنا شوي ونمنا وثاني يوم الصبح
انا / الله يسلمك ياعم ماقصرت والله تعبناك معنا
الشايب / لالالالا لم تكن هناك أي متاإب
كلي ذوق / لو سمحت عمي بسألك وشي اللحمه الي امس اكلناهاطعمها رووعه من وين
جبتها المهره / ايه والله انت يالله يالله تمشي
ساحرني / ابوووك يا سؤال ايه والله كيف ماجاء على بالنا
الشايب / يضحك ضحكه خبيثه
انا / يممممممه شفيه ذا يحتضر ولا وشو؟
هشومي / وراك تضحك انت وخشتك قلنا شي يضحك احنا ؟
الشايب / ههههههههههههههههههه لقد وقعتم في الفخ
انا / هههههه مو وقت الكاميرا الخفيه الله يخليك
طيوبه / صادقه دفووو والله تعبانين نبي نروح ننام ونتروش من هالقرف الي احنا فيه
الشايب / يجمع ايده ويصفر وشوي الا 500 راس حولنا ومعاهم نفس العصا الي مع الشايب
انا / يووووووو مين ذول ؟
عطوره / وشو ذا يا حليلك جايبهم عشان يودعونا صح والله وفيك الخير
ساحرني / وش السالفه
الشايب / انا زعيم الهنود الحمر جلست اتتبعكم حتى استدرجتكم الى هنا
انا / يممممممممممممممماااااااااااه حسبي الله ونعم الوكيل يالهندي يالدب
طيووبه / اغمى عليها
ساحرني / قول قسم
انا / أي قسم يارجااال
هشومي / من جده ا ولا يستهبل
انا / لالالا طال عمرك ينكت معنا يبنا نضحك
االزعيم / كتفوووهم ونطو علنا واحنا شوي يا خلاف وين ننحاش فيه ومسكونا وربطونا
مع بعض يعني صرنا مثل الدائره وحطونا في قفص تقل كأننا فريسه نادره
المهره / ميييييته من الضحك
هشومي / وش فيها ذي تضحك الحين
انا / خلها خلها شر البليه مايضحك
ساحرني / افاااا افااااا يا علاوي اخر عمرك تنحط في قفص وبتتقطع وتنوكل وانت كنت الفارس المغوار في زمانك وماغير امشي واكفخ في الشعب هذه اكيد دعوه
( عزوز ) آآآآآآآآآآآآآآآآآآآآآآآآآه يا دنيا
انا / اتحلطم واهز نفسي واقول / يا ويلي ويلاه اامي وابوي قاعدين ينتظروني على احر من الجمر وانا الحين في ذا دااخل القفص ومستمره في الهز والكل قاعد ينهز معاي ومن كثر الهزهزه بدأت الحبال تتفكك
طيوبه / هاه هاه هاه ايوه تحسون بالي احس فيه
عطوره / هو باقي فينا احساس الله يعافيك وشوي جابو قدر ياااااا كبره كبرااه مليان ماي وقاعد يغلي وحاطين فيه خضار وبهارات الكبسه الخليجيه
<<< احلفي عااااااااااااااااااااااااااد
انا / يووووووووووو انه الموت المصير قد اتااااا خلاص يا شباب مع السلامه في امان الله والله اني حبيتكم من يوم ماشفتكم
هشومي / اقوول اسكتي والي يسلمك ترانا مرعوبين وماندري بيبدون في مين اول
ساحرني / تدرون ان حبالنا تفككت ولا لأ
انا / ايه والله انا حبالي الصوتيه خلاص تفككت وتقطعت ماعاد باقي فيها شي الحين مدري كيف بغني لكم
ساحرني / اقول دفى تدرين عاد ودي يا خذونك اول وحده عشان تسكتين وماتتكلمين بعدها
انا / ايوه ايوه انا داريه انك ماتحبني من اول وهاااااااااااااااه سكت وانت الخسران
عطوره / مابغت تسكت يالله اسمعو عندي خطه ولا في الأحلام الحين اول مابفتحون القفص خلو دفى تصارخ وتقول آآآي يا بطني وتقعد تحووس لين تتفكك الحبال صح وبعدين هم بيقربون من عندنا والقفص بيكون مفتوح على طول نقوم وندف الي دخل ونرررررركض بأسرع مايمكن
الشله / خلاص تم
انا / لا ماتم وليش انا الي اصارخ ؟ مابي
كلي ذوق / الا تبين ونص
انا / يووووووو ليش كلكم تصارخون علي والله بصيح ترى
ساحرني / ايه احسن هذا هو المطلوب عشان يكمل الفيلم
انا / قعدت اصيح
عطوره / هااه استعدو يا شباب جو جو بعد من واحد لين 3 دفوو استعدي طيب
انا / هئ هئ هئ مابي مابي
وتقوم طيوبه وتضربني على بطني
انا / آآآآآآآآآآآآآآآآآآآآآآآآآآآآآآآآي بطني وانفتح القفص ودخل واحد من القبيله الرداويه اقصد الحمراويه اقصد الحمر
وجاء عندي يبش يشوف وش فيني وهنا قااااامت الشله كلها وركضو وطلعو من الباب وسكروه على الهندي الأحمر
وركضو ركضووووو لين وصلوو الباص الي كان على بعد امياااال لكن للضروره احكام والخوف يعمل المعجزاااات
ويوم وصلو ركبو الباص وقالو يالله بسرعه حاول حاول ياهشومي بسرعه عسا الباص يشتغل ويجرب والحمد لله اشتغل الباص وشوي
طيوبه / يو يو يو يو ووووووووووووووووووووووووووووووو
كلي ذوق / وش فيك بسم الله
عطوره / مين الهنود جو ؟
ساحرني / وش السالفه ياجماعه
المهره / طيوبه عسى ماشر
طيوبه / وين دفى ؟؟؟؟؟؟؟؟؟؟؟؟؟؟؟؟؟؟؟؟؟؟؟
الشله / ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وينها يووووووووووووووووووووووووووووووووووووووووووووووووو ووووو
لا يكون نسيناها ياااربي بسرررعه يالله نرجع نجيبها كيف ما انتبهنا عليها
وانا وين كنت ؟؟؟؟؟؟؟
انا / مبققه عيووني من يوم ماراحو وملقصه خشتي مع اعمده القفص والهندي الفاهي معاي بالقفص
انا / لالا من جدهم ذول راحو وخلوني ولا سكرو الباب بعد مايبوني اطلع وخلو الخبل هذا معاي
الهندي / جاي عندي
انا / شوف قسم بالله لو ماتبعد عني لا احوس فيك حوسه الدنيا والآخره ترى ماتعرفني اذا عصبت
الهندي / يقرب
انا / امشي بالقفص واتحلف فيه اقوله ( والله ان قربت لا احوسك والله احوسك والله )
الهندي / يلحقني
انا / وخر عني الله ياخذك ياهندي يا اهبل كرهتني فيييكم كنت احب شاروخ خان وسلمان وهريتيك وانت كسرت مجاديف وموازين المحبه ورابطه الدم كلها وخر عني وش تبي
الهندي / يقرررب
انا / قعدت اصيح واركض وهو الأهبل تركض وراي ونركض في القفص نركض نركض لين راسي دااااار
انا / خلاص يامعود وجعت راسي وكرهتني في عيشتي وش تبي آمر تدلل عيوني لك
<<< على بالها مع هالكلام الحلو بيوخر عنها
الهندي / يقرب وهو يترنح من كثر الركض
انا / رحت ولزقت بأعمدة القفص وقعدت انادي الشله عزوووووووووز النجده
هشوووووووووووووووومي طيووووووووووبه تعاالو لا تخلوني والله ماعاد افتح فمي
والهندي / قرب قرب قرب لين وصل عندي ومسك كتفي تدرون وش صار بعدها ؟؟؟
ولفني وخلا حشتي بخشته
ودخل ايده في جيب الي هو لابسه مدري وشو خيشه ولا كيسه المهم فيها جيب وبس
وانا / يووووووووووو بيذبحني وش بتطلع انت وخر وخر اترك كتفي كتفك اكبر جني
الهندي / يطالعني
انا / وش تناظر فيني وجع ان شاء الله وش بتطلع انت اكيد مسدس مدري سكينه وبتسلخني ايه عادي انتو تاكلون البشر
الله ياخذكم تاكلون نفسكم ماتستحون انتم
<< يقالها تهزأه
الهندي / طلع ايده ومافيها شي
انا / ايه الله يجزاك خير هونت تذبحني ترى طعمي وععععععع ويجيب الهم لو حطيت فيه أي بهارات مابتبلعه
الهندي / فتح ايده الا وفيها مفتاح
انا / وش هذا ؟
الهندي يأشر بعنونه عالباب حق القفص
انا / هذا المفتاح حق القفص
ايه صح انت الي فتحته لنا والربع انحاشو وسكروه وخلونا لحالنا اجل المفتاح معاك ياحبي لك ايه هذا خبري في الهنود
<<< من جنبهااا
وعطاني اياه وقبل كذا راح يشوف ان كان فيه احد من العصابه الهنديه ولا لأ
والحمد لله ماكان فيه احد لأن كان عندهم عرس بنت رئيس القبيله حقتهم
والهندي الي معاي كان بينه وبينها قصة حب
<< وش دراك انتي
انا اعرف من نظراته وعيونه الي تدمع يوم رجع وقالي ان الوضع آمن سألته بالإشاره وقلت له وش فيك
اشرلي على بنت الرئيس ووراني صورته وصورتها ومبين انهمك انو يحبوون بعض
انا / ايه يووووو كسرت خاطري ياقلبي خلاص لا تصيح
اقووووووووووووووول ماعلي منك الحين انا ابي اطلع من هنا تعال تعال
انتو الحين كنتو بتذبحوني وتقطعوني عشان اكون انا الوجبه الرئيسه للعرس؟
هذا الي ناقص بعد افاااااا يادفئ كنتي بتصيرين عشى المعازيم انا وهي انا اذا رحت أي عرس ما اتعشى من كثلا الرقص والتعب
واذا رجعت البيت احط لي ذيك الأندومي وآكلها واخمد
وانتوو الحين بتخلوني عشاكم ؟
الهندي / مادرى وش اقول وطلعني من القفص ودفني وسوالي بيده روحي
انا / ههههههههههههه وين ياعمي تعال انا ما ادل الطريق امش ودي مثل ما اخذتوني ترجعوني؟
<<< بعد قاعده تنافخ
الهندي / ازين مافيه انه يفهم علي وانا افهم عليه بالإشارات كأني عمياء مدري بكمه
المهم جاء ومشى معاي يقاله بيوصلني وقبل كذا عطاني لبس مثل ملابسهم عشان اذا احد من العصابه شافنا مايحس فيني ويدري انها انا
انا / لا لا لا لا احلف عاد وش هالخلاقين ؟
انا البس كذا الحين اقولك احنا جايين من السعوديه ورايحين مطقمين من محل
( ستراديفاريوس ) تقوم تعطيني هالخيشه المخرمه ؟
مابيها وخر بس خلها لك
وشوي فهمني بطريقته انه احسن لي البسه عشان حد يكشفني
انا / يووووووووووووووو عشانك ترى بلبسه ولا ماودي ترى
<<< قامت تتغلى بنت السعوديه
المهم
رحت ولبسته وصرت هنديه خالصه مع القليل من زيت النارجين والروج الأحمر بس مازلت اهبل
<<< ايه هذا الي هامها
الهندي / جلس يطالع فيني ويتأمل في خلق الله
انا / هيييييييييييييه يالحبيب خلصنا ورانا طريق طويل وش تناظر اول مره تشوف قمر بتاريخ 14 ؟
الهندي / توه ينتبه ويستوعب لأنه كان مفهي
انا / يووووووووووو مسكين شكلي ذكرته بحبيبته آآآآآخ منكم يالهنود آخ
قعدنا نمشي انا والأخ هندي
وكان الوضع عند ربعي كالتالي
ساحرني / يالله بسرعه خلونا نروح ونساعد دفى لا ياكلونها
هشومي / تخيلوو نروح ونلقى بس رجولها الباقيه
طيوبه / لا وجع ان شاء الله بنلحق عليها
ويجيهم اسير الصمت / طاااااااااااااااير يقول الحقو الحقو توني راجع من
العمليه التجسسيه من عند الهنود وابشركم
ساحرني / هاه لقيتها
اسير / اسمع طيب
طيوبه / وينها فيه عسا ما اكلوها
اسير / طيب اسمعو
كلي ذوق / يالله قول قاعدين نسمع
اسير/ اسمعووو طيب وعافيه بسكم هرج دفووفه مو في القفص طيب ترحمو عليها شكلها انوكلت وانتهت
<<< طالعو كيف يقولها عادي عنده طيب بسومي خلني اجيك بس
ساحرني /لالالالالالالالالالالالالالالالالالالالالالالالالا لالالالالالالالالالالالالا
دفئ دفئ لالالالالالالالالالا وقعد يصير ويركض بعيد
طيوبه / لا ماصدق هئ هئ هئ دفئ دفااااا وغمى عليها
كلي ذوق / تصيح وماتت من الصياح
اسير / خلاص عاد عورتو قلبي بصياحكم محد يموت الا في يومه ما البقاء الا لله مو دايم الا وجهه سبحانه
وشوي جاء ساحرني من بعيد وقال
ساحرني / ياربي يادفئ احنا كيف ما انتبهنا لها ورحنا وخليناها حرام هئ هئ هئ هئ وش بنقول لأهلها الحين ؟ كيف نواجههم ؟
آآآآآآآآآآآآآآآآآآآآآآآآآآآآآآآآآآآآخ يادفئ
دانه / هييييييييييييييييييييييييييي ليش مالقو الا دفئ هئ هئ
وانقلبت الرحله لعزى
هشومي / خلونا نرجع للفندق الحين ونخبرهم بالمصيبه الي احنا فيها
ساحرني / لا انا ما ارجع الا اذا تأكذت بنفسي انها ... انها .... انها ماتت
طيوبه / وانا بعد
كلي ذوق/ وانا معاهم
اسير / اجل يالله خلوني ادويكم عشان تصدقون
كلهم / يالله امش عشان نصدق
ايسر / يعني انا كذاب يعني
هشومي / ومن قال يالله يارجال رجولنا ماتشيلنا من الصدمه
ساحرني / قول اهجدو انت وياه وودونا هناك بسرعه
ونرجع لنا انا والهندي المتجول"
انا / ماصارت كل هذا مشيناه حشا من جد الخوف يعمل المعجزات
الهندي / بحركاته يقول ماباقي شي ونوصل
وشوي نحس بحركه قدامنا
الهندي / يسحبني معاه ورا شجره ويطلع سكينه
انا / يمممه وش فيه ذا تونا كنا حبايب وراك قلبت الموجه وتبي تذبحني الله يقطع شرك هدني هدني هدني هئ هئ هئ
الهندي / حط يده ع فمي وقعد يناظر من ورى الشجره بحذر
انا / سكت
الهندي / وخر يده عن فمي وقالي بعيونه ناظري هناك
انا / احلا بدينا الآكشن وبيحميني روميو الهندي من الأعداء الغاوين
يالله ياروميو طقهم وسطرهم
وهنا الهندي طالعني بنظراات حارقه وحط يده على فمه يقولي اسكتي بحركاته
انا / يوووووووووو لا نافخ علي طيب هاه وسكتنا
وشوي الا واحد منهم لا بس نفسهم قاعد يمشي ومعاه كيسه كبيره
انا / يارب سترك وش شايل معاه ذا ؟؟
الهندي الي معاي / طلع له وكلمه بلغتهم وشوي ما اشو فالا والكيسه مفتوحه وفيها وحده داخل الكيسه
انا شفتها وشهقت بقووه ؟
والهندين شافوني
الي معي حط ايده على راسه والثاني قام يناظر في الهندي الي كان معاي
<<< الهندي الي كان معاي يرمز له بالرقم 1 والثني شايل الكيسه 2
الهندي 1 / جاي وهو مبتسم وعادي ولا أنه صاير شي
والهندي 2 / قعد يقوله مين هذا ؟
الهندي 1 / يقوله هذه صديقتي الجديده بعد بنت الزعيم الي تزوجت
الهندي 2 / اها
انا / وعاااااااااااااااااااااااااافيه وش الي معاك اهووو جيب بس وخر خلني اشوف البنيه المكسينه
الهندي 2 / يبتسم ويقول للهندي 1 / صديقتك متحمسه اكثر مننا لأكلها
انا / يووووووووو بسم الله عليها اشووف ؟؟؟
ايه اشوى تتنفس الحمد لله ماماتت يعني
وقعدت اطق وجهها كفوف بس على خفيف
وشوي قامت وقالت / بسم الله وين انا وخرو عني وخرووووو آآآآآآآآآآآآآآآآآآآآآآآه
انا / يابنت الحلال تعالي وعافيه انا نفسك ترى بلا آه بلا وآه تعالي انا بهرب اهربي معاي
البنت / اقولك وخري عندي انتو كذا بين اكلتو كل اهلي قبل امس ومابقى الا انا خلوني في حالي
انا / افاااااااااااااااااااااااا اجل الي تعشينا عليهم امس اهلك والله طعمهم فله ياحرمه
البنت / انتي اكلتي معاهم ؟
انا / سالفه طويل هوانا اختك بس تعالي معاي الحين والبسي نفسنا
لحظه لا زم نتخلص من الهندي 2 عشان نقدر نهرب
البنت / والهندي الثاني طيب ؟
انا / لا هذا صديقي هو الي لبسي كذا عشان محد يعرفني من اتباعهم والحين بيوديني لربعي
البنت / اها طيب عطيني اللبس الي نفسكم
انا / ماعليك الحين اول شي لازم نتخلص من هالخبل الي معنا
انا / هيييييييييييييه هيه انادي الهندي 1 وااشر له يعيوني على الهندي 2
الهندي 1 / مسكه من ورى وطرررن على راسه بالعصا
ويسقط الهندي 2 ارضا وبذالك بفوز الهندي 1 في المسابقه وجائزته عباره عن زين خروع مطول للشعر مع ليفه مغرفيه للصنفره
<<<< اقول اركدي هاه
طيب ان شاء الله عمتي
المهم
وطاح الرجال واحنا ايوه كفو يالهندي ياخطير يالله بسررعه امسكي البسي ويالله نروح لربعي عشان نرجع للفندق
ومشنا مشينا لين سمعنا صوت مره ثانيه
انا / ياصبر الأرض الحين بنشوف واحد ثاني ومعاه كيسه وفيها احد مدري سبت مدري جمعه وبنساعدهم وش ذا ماصارت رحله صارت حمله انقاذ
وشوي كان فيه شجره كبيره الهندي 1 خلانا نتسلقها عشان محد يشوفنا
وطلعنا للشجره وشوي شفت ربعي ساحرني والعشب
انا / يوووووووووووو ياقلبي عليهم ولا اقول لا ماراح اناديهم خلوني يومين والحين تذكروني ؟ مابي انا ديهم
وبس شفتهم وانا متلهفه عليهم ودي انزل واضم كل واحد ووحده فيهم وشوي قالت دانه خلونا نرتاح شوي تعبنا والله واحنا نمشي
ساحرني / لالالالالالالالالا قومي يادانه بسرعه خلينا نروح نتأكد اذا اكلو دفى ولا لأ؟
انا / افااااااااااااااا ياساحرني مستحيل انت تقول كذا ماتوقعتها منك
طيوبه / بسررعه فومي خلينا بروح ونشوف اذا كلوها ولا لأ
انا / مت من الصياح
البنت الي معاي / وش فيك من ذول تعرفينهم ؟ وليش تصيحين
انا / ايه اقصد لا ما اعرفهم ماعليك منهم
النت الي معاي / طيب خلاص اسكتي عورتي قلبي من كثر الصياح
الهندي معاي / عرفهم وهم يمشون وقام ورمى حبه جوز هند وجات على راس هشومي وطررررررررررررررن على الأرض
كلي ذوق / يؤ يؤ يؤ هشام بسم الله عليك وش جاك
طيووبه / يممممه وش جاه
ساحرني / وش فيكم يؤيؤيؤيؤيؤ هشوومي وش فيك يارجاااال ؟
هشومي / مغمى عليه ؟
دانه / وش ذا فيه جوز هند هنا ؟ مين زماه فيها وترفع عيونها فوق وشافت الهندي
دانه / يوووو شوفو فوق خلونا ننحاش
ساحرني / لا والله ما انحاش قسم بالله لا امسكه واحوس فيه واعلمه كيف
ويقوم وينزل الهندي وهو مبتسم
ساحرني / ايوه جيتني برجولك ومبتسم بعد تعااااال عند بابا تعاال والله لا اقطعك
الهندي / جاي عندهم وهو مستانس
كلي ذوق / اسمعو خلونا نمسكه ونخليه رهينه ونهدد القبيله فيه لين يعلمونا وين دفئ
الشله / خلاص تم
ومامداه قرب الا ومسكوه وكتفوه وربطوه وماعطوه فرصه يعلمهم بشي
البنت الي معاي / يووووو مسكوه يااربي اكيد بياكلونه
انا / مالي خلق وساحبه عليهم
<<< اسم البنت نور
نور / يووو دفئ خلينا ننزل نساعده حرام ساعدنا المسكين
انا / يصير خير ان شاء الله وامسح دموعي
نور / خلاص اذا راحو نلحقهم ونروح نساعده
انا / طيب خلاص اسكتي
نور / يؤ شفيك
انا / ابد يالله ننزل ونلحقهم
نور / يالله
ولحقناهم لين وصلنا عند مكان الباص حقنا الي اخترب وهشومي مسكين طايح من كثر الألم
ساحرني / يضرب الهندي الي معنا ويقوله وين دفئ وينها اكلتوها صح ؟
انا / يؤ وراه قلب عالصفحه الخامسه السطر الرابع من الأخير ؟
يقوله وين دفئ ويضربه ؟
اجل كانو جايين يدورون علي مو يتطمنون انهم اكلوني ولا لأ على بالي يبون الفكه مني ؟
ياغبائي ياربي اللهم اني اسألك العفو والعافيه والعقل والتفكير السليم
اسير / يضرب الهندي برجوله ويصارخ عليه ( وووووووين دفئ )
طيوبه / خلاص يااسير ذبحت الرجال من الطق مافي فايده دفوو ماتت خلاص والحمد لله على كل حال
انا / الحمد لله ؟؟ الحمد لله ؟؟ وش قصدها
نور / يعني الحمد لله ربي الي كاتب كذا ؟
انا / والله ؟
نور / ايه
نور / دفئ ؟ قالوو دفئ ؟ هذه مو انتي
انا / الا انا
نور / وجعة جدي وليش ماتتكلمين طيب امشي نروح نساعد الهندي ونقول لهم انك بخير
انا لا روحي انتي
نور / براحتك انا بروح
وراحت وشافتها دانه وقالت يووووو فيه وحده منهم جات اكيد تبي تساعد خويها بس انا بعلمها الحين
وتتفق كلي ذوق ودنوو ويجون من ورى نور ويمسكونها ويكتفونها ويربطونها ويحطونها جنب الهندي وسكرو فمها عشان ماتتكلم
انا / يووووو اقول روحي يابنت وعلميهم بالحقيقه لا يطقون نور بعد
انا / هيييييييييييييييييييييييييه انا هنا ماصار شي اتركوهم انا بخير
طيوبه / وش هذا بعد فيه وحده منهم
ساحرني / جيبوها معاهم قسم قسمات لا اقطعهم كلهم واطبخهم واوديهم لزعيمهم
واشوف الشعب جاي جهتي وهو يركض
انا / يتحبي لكم وحشتكم عشان كذا جيتوني كلهم ركض
وامد يدي واركض اتجاههم من الوله ووالوناسه
وما اشو فالا ذيك العصا الي على راسي
ووررررر اغمى علي
نور / تناظر من بعيد وتقول / لالالالالا وفمها مسكر
هشومي / اسكتي بس ايه خفتي عليها لأنك من بني جنسها وانا ياخلاف فقعتو جمجمتي
وشوي الا ربطوني وسكرو عيوني وفمي وحطوني جنبهم
الهندي / يأشر بعيونه ويهز راسه ويقول لساحرني لالالالالالالالا
ساحرني / وش الي لا هاه علمني اكل وبخلي ربعكم ياكلونكم مثل ما اكلتو صديقتنا
نور / تقول لالالالالالالالالالالالا؟
دانه / هاه جتنا الثانيه خير وش تبين تقولين بعد ؟ اسكتي والي يعافيك
طيوبه / اقول خلوهم بس يروحون خلونا احسن منهم
كلي ذوق / لا والله اقول خلينا من الطيبه الزايده بس اكلو صديقتنا وانتي تقولين خلوهم ؟
وشوي تدرون مين جاء؟؟
جانا ادمن وشموعه والمهره وملوكه
ساحرني / يووووه عشوق الحمد لله انك جيت ليش خلتونا ورحتووو
مادريتو مش صار يا ادمن وقعد يصيح ساحرني
المهره / وش فيكم كذا منحاسين وشكلم مدري وش يبي ؟
طيوبه / بلاك مادريتي وش صار يالمهره
شموعه / وين دفئ مو معاكم ولا وين راحت
هنا كلهم قامو يصيحون ويقولون / دفئ خلاص راحت اكلوها اكلوها خلاص
ادمن/ هااااااااااااااااااااااااااااااااااااااااااااااااا اااااااااااااااه وشو وش تقول انت وياه ؟
كيف كذا ؟ وانتو وين كنتو فيه
هشومي / وقاله السالفه كلها
شموعه / ماتت من الصياح
ملوكه / ماقدرت وطاحت في الأرض من الصدمه
المهره / صاحت لين قالت بس
ادمن/ لاحول ولا قوه الا بالله ومن ذول بعد الي مربطينهم هنا
ساحرني / هذول منهم شفناهم متسلقين شجره وحذفو هشومي بحبة جوز هند
فمسناهم وقلنا بنقطعهم ونرسلهم للقبيه ياكلون اتباعهم
ادمن / لالالالالا يا ولدي فكهم وخلهم يروحون واحنا نرجع للسعوديه ونخبر اهل دفئ بالي صار
ساحرني / طيب طيب طيب ليش ؟
هشومي / خلاص يارجال خلنا نسوي الي قاله
عشوق / يالله كلكم اركبو الباص هذا الجديد الي هناك وانا بفكهم وبجيكم
الكل / خلاص تم
وراحو كلهم
ادمن/ فتح ربطة الهندي وربطت نور ويوم جاء وفك ربطتي قال يؤ
بسم الله صرت اتخيل كثير تشبه دفئ الله يرحمها
<<< ايه خلاص مت انا هههههههههههههههههههههههههههه
وشوي ا نور قالت / يوووو وجع ان شاء الله وش هالصداقه ذي تطقون صديقتكم؟
ادمن/ يؤ تتكلمين عربي انتي
نور / لا اردني ؟
ادمن/ مين انتي ؟
نور / انا صديقة دفئ هذه دفئ الهندي هذا ساعندها وخلاها تهرب ولبسنا كذا عشان محد يلاحظنا فهمت
ادمن/ دفئ دفئ دفاااااااااااااااااااااااااااااااااااااااااااااااا ااا تعالوو دفئ هنا هذه تعالوووو
ملوكه / يووو يا ادمن شفيك بسم الله عليك
ادمن/ لا لا لا شوفو والله انها دفئ
شموعه / وخروو انا اعرف صديقتي زين
وشوي الا والله انها هي
طيوبه / دفئ دفئ حبيبتي اصحي
ساحرني / دفوووو دفوووفه قومي بسم الله عليك
انا / آآآآآآآآآآآآآآآآآآآآآآآآآآآآآآآآآآآآآآآآآي راسي يعورني ؟
مين انتووو ؟؟
كلهم ؟ / ايييييييييييييييييييييييييييش
انا / وخروم ين انتو انا ويني ؟
هشومي / اقول بطلي من هالهبال يادفئ
انا / أي دفئ وخر من انت وش تبي ؟
ساحرني / اقووول هذه يبيلها ضربه مره ثانيه عشان تسترجع الذاكره
وطرررررررررررررررررررن على راسي مره ثايه
واغمى علي وعلى طول ركبنا السياره ورحنا للفندق واخذنا معنا الهندي ونور
ويوم وصلنا الفندق
انا / آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآى راسي وين انا فيه يؤ يؤ ساحرني طيوبه هشومي ياحبي لكم وين رحتو وخليتوني
آآآآآآي وش فيه راسي عورني كذا
ادمن/ الحمد لله على السلامه يالغاليه لا لا بس انتي طحتي واحنا جينا وساعدناك وجبناك هنا بعدين نقولك وش الي صار بالتفاصيل
انا / وين نور والهندي ؟
طيوبه / لا تخافين كلهم بخير موجودين برى والكل ينتظرك
انا / بروح لهم اشتقت لهم يالحيل
وطلعت وكلهم جو عندي وضموني وقالو الحمد لله عالسلامه
انا / ياحبي لكم فديتكم يابعدي لا تخافون انا بخير والحمد لله
ساحرني / دفووفه الحمد لله على سلامتك اشغلتينا عليك
انا /يخليك ربي لي يانور انتي وهالهندي الي بسميه خلاص بسميك راجو
وخلنا من الأزمه النفسيه الي جاتني ورجعنا للسعوديه
وانا / اتحاطم بالطياره واقول ماعاد اسافر مره ثانيه يازين المملكه كلها امن واطمأنان
والحمد لله وصلنا بالسلامه كلنا وكلن راح بيته وابشركم اخذت معاي راجو ووريته اهلي هو ونور نور تربت معنا وصارت اختي بالتبني وراجو خلناه يصير سواقنا
والحمد لله الأمور صارت مستتبه والحمد لله وسولي حفله وانا وليومكم هذا محد رضي يقولي وش صار لي بعد ما انضربت للمره الأولى ومدري ليش سو لي حفله
فإذا كنتوو تعرفون وش القصه علموني لأني مدري وش فيهم مختبصين علي كذا ؟
وش راااااااااااااااااااااااااااااااااااااااااااايكم
ملاحظه (( هذه اقصر قصه كتبتها بحيااتي )) .gif "(164)")
((( مشاركه في مسابقه افضل قصه قصيره )))
[/align]
|
|
|
|
|
|