2008- 8- 16
|
 |
أكـاديـمـي فـعّـال
|
|
|
|
بنات كليه المجتمع بالأحساء(أش عملتو في تقديم الأوراق؟!)
مســــــاء الورد
.
.
.
.
كيفكم عسولات؟
.
.
.
.
طبعا اليوم اول يوم لتقديم الأوراق وأغلبيه البنات راحو وأنا منهم فتحت دا الموضوع عشان اللي راحو يكتبو اش عملو ويستفيدو البنات اللي لسه ماقدمو وحيقدمو بكره او بعدو
.
.
.
.
.
طبعا أول شئ صحيت الساعه 7 الصباح من بدري عشان هيا بعيده عناا ومابندلها
لبست تي شيرت وبنطلون وجهزت ورحت مع بنت خالي وماما واخوي ورحنا عند جامعه الملك فيصل عشان نسئل فين مكانها بالتحديد وسئلناهم
قالو داخل الجامعه قلنا ليهم لالالالالا نبغى(كليه المجتمع)اللي بمحاسنموخدمه المجتمع
المهم ووصفها السكرتي لااخوي ورحنا ووصلنا لها انا انفجعت صراحه
مااتوقتها كدا
ودخلت داخل شفت حشود بنات وبصراحه المبنى ماعجبني كنو بيت اومدرسه لكن مابيهم اهم شئ هيئه التدريس وسئلنا تقريبا وصلنا الساعه 9 قالو انو باقي ساعه ومااخذنا دقيقتين ونادو حرف الالف كلهم ودخلو وتخيلو الى الساعه 11 الى حرف الالف وجلسنا بساحه وكانو جنبنا بنتين يجننو سولفنا معاهم وبعدها خرجنا شربنا مويه من البرادات وشفنا بنات متجمعين حول وحده من منسوبات الكليه توزع اوراق التعهد
اش هالهمجيه مافي نظام ولاحاجه وروحنا اخذنا طبعا مره ماعجبوني لانو مافي نظام ولاشئ المفروض قسمو لكل يوم مجموعه دامه 5 ايام وعبينا اوراق التعهد ورحنا دخلنا عند اللي يكملو بياناتنا قالو لساتنا من الالف الى الخاء قالت ماما بس تعبنا كدا مافي نظام خلصونا يرحم امكم
شوووووي الا يفتحو الباب الخلفي ويدخلو البنات بلاحرووف شفتو كيف بصراحه مره همجيه ومونظام
وتدخل لهم ماما من الباب اللي داخل وتقول ليها دخلو بناتي ليه عملتو كدا قالو عشان بنات بقيق:bngo12:
ودخلونا الحمد لله انا وبنت خالي قالت لماما ليه ماجابو ملف اخضر
قالت ماما ماكتبتو ضمن المطلوبات وراحت اشترت لينا وجابتهم واول وحده بس طبقت بطاقه العايله والشهاده وحسن السيره والسلوك ودخلتهم لينا بالملف
والتانيه تعطينا رقم التقديم نكتبو وتطبق السجل المدني والنسبه وبعدها تكتبي اسمك وتوقعي وتروحي عند التانيه تطلع لك ورقه القبول وتبقى ساعه حتى تطلعم مره بطيئه وبعدها تروحي للي بعدها وتختمهم
واللي بعدها تقص ربع الورقه تعطيك هو والباقي تحطو بالملف وتكتبي رقم جوالك واسمك وتوقعي عندوو
وبس وكان الله غفورا رحيما
ومبروك عليك
.
.
.
.
.
يلا وكل وحده تدخل تقول ايش عملت
.
.
.
.
سي يو
|