قالت لي امي ياولدي شف [شبابگ]
وارفق على نفسگ ترا الناس شافوگ

شافوگ متغير وحاضر غيابگ
ومتشتت فگرگ وللهم [مملوگ]

وقالت لي اسمع گنت احس بصوابگ
ابگي دموعي هم واشگي على [ابوگ]

گنت ارتجي ظلگ وماطر سحابگ
ونسمة هواگ اتشيل عن دربي [الشوگ]

ارضى عذابي لجل اشتت عذابگ
مابي تحس انك اذا طحت[ متروگ]

عهد الطفولة گنت احضن ثيابگ
لارحت تدرس وانتظرهم [يردوگ]

واشرب بقايا مابقا من شرابگ
لارحت [مستعجل] وخايف يخلوگ

اساعدگ تحفظ .. اجلد گتابگ
[اضمگ] ان رديت متعب ومنهوگ

اليوم ليش اليوم زاد اگتئابگ
واللي يبونگ.. من سواياگ [عافوگ]
لاياولدي ارحم [فؤاد] حيابگ
لاتقطعه احزان. وجروح. وشگوگ
قل لي علامگ [قافل] اليوم بابگ
عن ربعگ وناسگ گفا باب مصگوگ
والناس اللي[تحرق] لهم مابقابگ
مااظنهم گثر الذي فيگ[حبوگ]
ابسألگ وانطر حبيبي جوابگ
تدري بأن الناس [مافـ/يوم حسوگ]
امسح دموعگ لايخيب الرجابگ
منت الذي يضعف [وينهار ارجوگ]
وقفت... وانا ساگت وفگري متشابگ
وجسمي گأنه بالسياجات [مشبوگ]
ناديتها [ يمه ].. ذبحني عتابگ
تگفين يمه.. [خلي الباب مصگوگ]


مما راق لي..