المشاركة الأصلية كتبت بواسطة جاك سبارو

[align=center]يمكن اللي خلاك تفكرين بهالموضوع وتترددين بالدراسة لأنك دخلتي إدارة أعمال وأنتي حابة إنجليزي فعشان كذا أنتي متخوفة كثيـر..

طيب أنا بقولك على شي مهم ..من الواضح في كلامك إنك مو موظفة وناوية تعتمدين على شهادتك الجامعية في الوظيفة ( إذا كان هالكلام صحيح ) فأقولك إنتي قاعدة قاعدة ليش ماتدرسين وربي بيسهل أمورك ..

الشي الأهم إذا كانت المشكلة من ناحية التخصص تقدرين تغيرين الترم الجاي أو إذا كان فيه طريقة للتحويل الحين ماأدري لأن الظاهر إنه قفل التحويل مادري ولا أبي أفتي في هالنقطـة..

الشاهد في الموضوع إن أي شخص يقولك الدراسة الجامعية أو الإنتساب غير مفيد فهو غلطان بكل المراحل اللي هو بنى عليها كلامه وبقولك ليش ..

أولاً أختي الفاضلة إذا كان مبني كلامه على ناس كثير يعرفهم وإنهم ماتوظفوا بشهاداتهم الجامعية لأنهم منتسبين بقولك هالكلام غير دقيق بالمرة بالعكس مسألة الوظايف رزق ونصيب وماحد يقدر يفتي بهالنقطة أبداً وخصوصاً إذا إنطلقنا من مبدأ (إسعى ياعبدي وأنا معك )

ثانياً إن كان كلامه مبني على إن الدراسة تضييع وقت فأتوقع عمر الدراسة ماكانت تضييع وقت مهما كانت النتيجة ويكفي إنك إنسانة جامعية مثقفة واعية يحق لك تفتخرين بكل ماتملكينه وماحد يقدر يقولك كلمة وحدة تجرحك أو تضايقك لأن اللي تملكينه يستحق الفخر والإعتزاز ..

أخيراً وهذي من القلب ..والله الذي لا اله الا الا هو إن العمر يمشي وماحد يحس فيه إلا من فقد أيام من عمره راحت بدون مايترك له بصمه بحياته ماتخليه لو لحظة وحدة بينه وبين نفسه يفكر ويقول ياليتني سويت وياليتني ماقصرت تجاه نفسي ..

أختي الأيام تمشي بسرعة وكل يوم محسوب عليك ..فأتمنى إنك تعزمين وتتوكلين على اللـه لأن المسألة مسألة عزيمة ومثل ماقلت لك منتي خسرانة شي بالعكس إذا قعدتي وسمعتي كلام يحبطك هو الخسارة بعينهـا..

الله يوفقك ويسهل أمورك يارب وإتركي أي شي يحبطك وأرفعي راسك لفوق وخلي طموحك ماله حدود ..

تحياتي ..
[/align]